Klan News - Tjetër rast me meningjit në Durrës скачать в хорошем качестве

Klan News - Tjetër rast me meningjit në Durrës

“Një 14 vjecar është diagnostikuar me miningjit në Durrës. Ai ndodhet në QSUT në Tiranë në gjendje jo të mirë shëndetësore. Ky është rasti i dytë brenda 2 muajsh në qytetin bregdetar me këtë infeksion”, thotë gazetarja Enkeleda Arapi. Adoleshenti është nxënës i klasës së 8-të në shkollën “Kushtrimi i Lirisë” në Durrës. Rasti është zbuluar të hënën, ndërsa 14 vjeçari pasi mori ndihmën mjekësore në spitalin e qytetit bregdetar u transportua drejt QSUT në Tiranë ku ndodhet nën kujdesin e mjekëve. Sipas bluzave të bardha ai ndodhet në gjendje jo të mirë shëndetësore. Pas zbulimit të rastit me meningjit akut edhe autoritetet po marrin masat. Drejtoresha e shkollës ku mësonte adoleshenti thotë se është informuar nga mjekët për rastin. “Ditën e premte nxënësi ka qenë në shkollë, nuk ka pasur në dijenin time, nga relatimi i mësuesit kujdestar nuk ka pasur shenja të gripit apo… se ky është një sezon që fëmijët janë dhe sëmurë, kanë paraqitur shenja gripi. Ndërsa dje rezultoi kështu sepse ngjarja ka evoluar ditën e shtunë dhe të dielë mesa morëm sot informacione”, është shprehur drejtoresha e shkollës Merita Bekteshi. Ndërkohë prindër që kanë fëmijët në këtë shkollë shprehen të shqetësuar. “Asgjë nuk kemi marrë vesh deri tani. Dëgjuam një fjalë që është bërë dezinfektim sot, por që nuk e di akoma. Shumë e shqetësuar jam”, thotë një prind. “Të shqetësuar jemi, bile mamaja e një nxënëse që ishte aty te klasa në tha që fëmijët nuk i sollëm sot në shkollë dhe na kanë thënë që t’i japim vetëm kokërra ose gjilpëra. Që është dezinfektuar shkolla, ne nuk kemi asnjë ide”, është shprehur një prind tjetër. Ky është rasti i dytë brenda dy muajve në Durrës pasi një vajzë 17 vjeçare fatkeqësisht humbi jetën pasi u prek nga meningjiti në dhjetor të vitit të shkuar. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan