周吉佩與吉S粉新春團拜 與囝囝父子檔合唱 скачать в хорошем качестве

周吉佩與吉S粉新春團拜 與囝囝父子檔合唱

周吉佩與吉S粉新春團拜 與囝囝父子檔合唱 周吉佩 新春期間，除咗同一班中聲家族團拜之外，當然唔少得同佢班吉S粉聚會啦，吉吉一現身，大家都好似螞蟻嬲蜜糖咁，爭住派利是比佢，現場真係喜氣洋洋好有賀年氣氛。吉吉仲連氣唱咗幾首歌助興，吉吉呢次已經第三年搞新春團拜活動，佢話每次同班吉S粉相聚都覺得好warm呀。 呢日吉吉仲帶埋太太仲有一對仔女嚟join呢個party，吉吉仲同阿仔父子檔合唱，見囝囝完全零怯場，睇嚟遺傳晒吉吉嘅歌唱天份。吉吉話阿仔的確好有表演慾，佢話記得之前同佢一齊喺一個慈善騷合唱，吉吉原本以為阿仔會緊張，點知原來佢上到台會「上身」。 而臨出場前，吉吉仲同阿仔講定，到時會打眼色然後一齊唱，點知阿仔全程無望過佢一眼，之後吉吉先知原來阿仔話係刻意唔望佢，希望自己專心唱歌，呢次嘅經歷令吉吉對阿仔另眼相看，大讚佢有唱歌天份呀。 吉吉雖然工作好忙，但係佢都好重視家庭，日前佢就一家大細去咗影全家福，呢張相令吉吉感慨時光飛逝，尤其阿女真係大得太快，而家同佢影相感覺好係女朋友咁，吉吉仲話即使囡囡將來拍拖，佢都早有心理準備，但就一定要阿女遵守唔可以過夜嘅家規呀。 #周吉佩 #吉吉 #吉S粉 #中聲家族 #團拜 #聚會 #父子檔 #合唱 #遺傳 #唱歌天份 #另眼相看 #全家福 #囡囡 #女朋友 #拍拖 #家規 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0