របៀបផលិតធ្នូកងទ័ពខ្មែរបុរាណ/How to make bow traditional Cambodia скачать в хорошем качестве

របៀបផលិតធ្នូកងទ័ពខ្មែរបុរាណ/How to make bow traditional Cambodia

ធ្នូកងទ័ពខ្មែរបុរាណគឺបានបាត់បង់នូវការប្រើប្រាស់ និងវត្តមានយូហើយដោយមិនមាននរណាយកមកបង្ហាញនូវការប្រើប្រាស់លក្ខណៈបែបសង្រ្គាមឡើយ។ ដោយក្ដីស្រលាញ់ និងការចង់ឃើញធ្នូកងទ័ពខ្មែរបុរាណមានវត្តមានឡើងវិញផង ដោយមិនឃើញមានការបង្ហាញលើឆាកជាតិផង និង អន្ដរជាតិផង ខ្ញុំបាទ ទិល ចាន់លីនក៏បានធ្វើការសិក្សាស្រាវជ្រាវលើធ្នូកងទ័ពខ្មែរបុរាណនេះតែម្ដង។ការស្រាវជ្រាវធ្នូកងទ័ពខ្មែរបុរាណរបស់ខ្ញុំ ចាប់ផ្ដើមនៅ២០០៩ដល់បច្ចុប្បន្នកំពុងតែនឹងបន្ត។ ដោយឆ្នាំ២០០៩ ដល់២០១២ជាដំណាក់កាលរកវត្ថុធាតុដើមយកមកធ្វើធ្នូកងទ័ពខ្មែរបុរាណនោះគឺ ខ្លឹមធាងទ្រាំងដែលអាចផលិតជាធ្នូកងទ័ពខ្មែរបុរាណរកឃើញនៅឆ្នាំ២០១២ ហើយក្នុងកំឡុងពេល២០០៩ដល់២០១២មុននឹងរកឃើញខ្លឹមធាងទ្រាំងដែលអាចធ្វើធ្នូបែបប្រើប្រាស់ក្នុងសង្រ្គាមបាននោះ គឺមានការច្រឡំនឹងធាងរុនផងដែរ។ កត្តានេះហើយធ្វើអោយខ្ញុំចំណាយជាង៣ឆ្នាំក្នុងរកវត្ថុធាតុដើមដែលអាចយកមកធ្វើធ្នូកងទ័ពខ្មែរបុរាណបាន។ ២០១២ដល់២០១៥ គឺពេលវេលាសិក្សាស្រាវជ្រាវអំពីរបៀបផលិតធ្នូកងទ័ពខ្មែរបុរាណដោយមានការលំបាកណាស់ ក្នុងការគិត និងការវិភាគទិន្នន័យ និងកំហុសដែលធ្វើធ្នូ ការចាយពេលវេលា និងថវិការផងដែរ ព្រមទាំងមើលងាយពីអ្នកដទៃ។ហើយកំហុសនៃការផលិតធ្នូកងទ័ពខ្មែរបុរាណនេះ មានខ្លឹមធាងទ្រាំង២៧ធាង ដែលធ្វើអោយខ្ញុំបានរកឃើញរបៀប និងរូបមន្តផលិតធ្នូកងទ័ពខ្មែរបុរាណនេះបាន។ ក្រោយពេល ខ្ញុំបានសម្រេចនូវការផលិតធ្នូកងទ័ពខ្មែរបុរាណហើយលើការរកឃើញរបៀបផលិត ដែលមានរយៈពេលផលិតសម្រាប់ធ្នូកងទ័ពខ្មែរបុរាណ១ដលមគឺចំណាយពេលជាង១ខែជាមធ្យមទើបអាចផលិតធ្នូកងទ័ពខ្មែរបុរាណនេះបានដោយវត្តុធាតុដើមខ្លឹមធាតុទ្រាំងនេះ។ ចំពោះ វត្តុធាតុដើម ដែលអាចយកមកធ្វើបានតាមការស្រាវជ្រាវរបស់ខ្ញុំគឺមាន ផ្ដៅដំបង ដើមប្ញស្សី និងខ្លឹមធាងទ្រាំង។ ក្នុងឆ្នាំ២០១៥ វីដេអូបង្ហាញពីជំហរបាញ់ធ្នូកងទ័ពខ្មែរបុរាណមានការគាំទ្រច្រើនដោយខ្ញុំបង្ហោះក្នុង ហ្វេសប៊ុក របស់ខ្ញុំ ហើយមានការរំលែករបស់ផេក Ngoy Rithydimanche។ ក្នុងឆ្នាំ២០១៦ដល់២០១៨ធ្នូកងទ័ពខ្មែរដែលស្រាវជ្រាវដោយខ្ញុំ គឺបានសហការណ៍ជាមួយកន្លែងធ្នូមួយកន្លែងនៅសៀមរាបក្លឹបកីឡា បាញ់ធ្នូភូមិន្ទកម្ពុជា ។២០១៨ដល់២០២១ខ្ញុំបន្តសហការណ៍ជាមួយកន្លែងមួយកន្លែងដែលមានក្រុមការងារដដែល គឺដោយមានការប្ដូរទីតាំងក្រុមការងារខ្លះ ហើយក៏សៀមរាបដែរ គឺនៅបន្ទាយជ័យ៨០២។ ទាំងកន្លែងខាងលើគឺបានប្រើប្រាស់ទិន្នន័យលើការស្រាវជ្រាវធ្នូកងទ័ពខ្មែរបុរាណទាំងស្រុង ហើយខ្ញុំមានសិស្ស៤នាក់នៅទីនោះផងដែរ។ ក្នុងឆ្នាំ២០២១ខ្ញុំបានបង្កើតផ្ទះតាទង់ជ័យត្រីសូរដែលជាកន្លែងផ្ទាល់ខ្លួនសម្រាប់ធ្វើការបន្តស្រាវជ្រាវធ្នូកងទ័ពខ្មែរបុរាណបាន យ៉ាងពេញដៃពេញជើងដូចមុនពេលមកសហការណ៍នៅសៀមរាប ចំពោះកន្លែងធ្នូទាំង២កន្លែងនោះ។ ក្នុង២០២១ដល់បច្ចុប្បន្ន ផ្ទះតាទង់ជ័យត្រីសូរ មានទិន្នន័យជាច្រើនតាមការស្រាវជ្រាវ និងសម្រេចបាននូវការផលិតបាន អាវុធដូច ដាវ លំពែង កូនកបិតស្នៀតកងទ័ព ដំបងគុនវែងខ្លី ទម្រង់៤៩ទិន្នន័យ និងអាវុធច្រើនជាង២៥មុខ និងបន្តផលិតទៀត។ ជាចុងក្រោយ ខ្ញុំបាទជាអ្នកស្រាវជ្រាវធ្នូកងទ័ពខ្មែរបុរាណដំបូងគេនៅកម្ពុជានាសតវត្សទី២១នេះ និងអាវុធ ខ្ញុំរំពឹងតិកមានការថែរក្សានូវអត្តសញ្ញាណជាតិខ្មែរមួយនេះបានយ៉ាងល្អ ដោយមិនមានការដណ្ដើមប្រយោជន៍ក្រោយពេលខ្ញុំស្រាវជ្រាវបានមក។ សូមអោយខ្មែរចេះផ្តល់តម្លៃអោយម្ចាស់ស្នាដៃលើរបស់អ្វីមួយដែរមានតស៊ូ ខំខិត ព្យាយាមច្បាស់លាស់ ដើម្បីកិត្តិនាម កិត្តិយសជាតិខ្មែរ។ សូមអរគុណ! ពីអ្នកស្រាវជ្រាវធ្នូកងទ័ពខ្មែរបុរាណ ទិល ចាន់លីន