سفر الدغيلبي و غازي الميموني/ الكويت ١٤٢٨ скачать в хорошем качестве

سفر الدغيلبي و غازي الميموني/ الكويت ١٤٢٨

من ضمن محاورات حفل الميموني المطيري بالكويت ١٤٢٨ والتي أحياها كل من الشعراء نواف العازمي و فلاح القرقاح و سفر الدغيلبي وغازي الميموني . إليكم المحاوره كتابه .. البدايه من غازي الميموني: يامطير عزو صفكم فأول القاف نبا نشب النار في كل ميقاف حتى شرايد روق ماعاد تنشاف يالله على بابك يافتاح الابواب نادوا سفر والليل توه توه اما يقف وألاّ تلين عظامه كانه نهار الحرب يشعم ضوه الموت خلفه والبحر قدامه سفر الدغيلبي: يامطير أنا محتار في وضع غازي مرٍ يجي نجدي ومرٍ حجازي من الخواضه ياما شاء الله ينازي يالله على بابك يافتاح الأبواب شاعر وأخاصمكم بعزم وقوه من الكويت ليا حدود تهامه خل العتيبي لين يصفي جوه ويخرم الأوراق بالخرامه غازي الميموني: ياللي تجيب السالفه مالها راس تبغى تلبسها ولاعندك لباس ويش انت حتى انك تكبر على الناس يالله على بابك يافتاح الأبواب لاتحسب انك شاعرٍ متفوه ترجع وخدك فيه مثل الشامه ناظر خيالٍ قام يزبر نوه لاتنظر اللي خاربٍ قسامه سفر الدغيلبي: أنا اتكبر كل ماشفت شكلك أشرّبك مشربك وأوكلك بأكلك إفخر ليا من العتيبي ضحك لك يالله على بابك يافتاح الابواب أبا آخذ الجوله معك تلهوه وألاّ رصاصي باقيٍ في حزامه الأوله نعطيك حق الخوه والثانيه تسري بدون عمامه غازي الميموني: على صفوف مطير مشروه وحقوق وانا لهم في كل ميقاف محقوق يعني لزوم احط برقاء على روق يالله على بابك يافتاح الابواب علمك ماهو يم السنع ومشوه والعبدلي فوقك ترف أعلامه اقر الورق وليا فهمته طوه والجمس لاتاقف قدم صدامه سفر الدغيلبي: كان الخصم ماغير غازي بسيطه نقيطةٍ سوداء بوسط الخريطه وليا هرج يادوبي اسمع نغيطه يالله على بابك يافتاح الأبواب مالك على برقا وروق اجروه وانته قزم يعني قصيّر قامه اطلع من الميدان وإلعب جوه واضحك وقل يا بابه ويا مامه غازي الميموني: أنا من الشعار ماظلم نصيبي والله ماوقفني ولاعتيبي ألا العصيمي نوب في وسط جيبي يالله على بابك يافتاح الابواب ياقاعة الدله وجمع الدوه ليش الشعر قامت تجف أقلامه ماتنتبه لو صاح فيك منوه البيت بنايّه ماهو هدّامه سفر الدغيلبي صحيح ماوقفك ولاعتيبي امجلسينك واسترح ياحبيبي واكل الكمثرى والعنب والزبيبي يالله على بابك يافتاح الأبواب مابينك وبين القصيد اعنوه مثلك عدوٍ له وحنا أعمامه دام الولد يبغى يصير افتوه هذا زمانه نعنبو من لامه غازي الميموني: مافيكم ألا الغطرسه والدعايه والبشت والبسام قدم المرايه وإن ولعت ماتأصلون النهايه يالله على بابك يافتاح الأبواب لاياسفر ماعاد فيك امروه خطٍ من يمره يدق أرقامه أنا أعرفك مامن سنع ومعوه وتحط نفسك سيد العلامه سفر الدغيلبي البشت والبسام رمز الرجوله نعم خذيناها وأخذنا البطوله ومبطلين مرهقات الطفوله يالله على بابك يافتاح الأبواب أنا تركت مسلسل السعلوه بطولة السواق والخدامه جاملت غازي مير غازي بوه الله يحقق له جميع أحلامه