ОРДАБАСЫ АУДАНЫНДАҒЫ ОРДАЛЫ ӘУЛЕТ. скачать в хорошем качестве

ОРДАБАСЫ АУДАНЫНДАҒЫ ОРДАЛЫ ӘУЛЕТ.

Ордабасы – ежелден ғұндардың ғұрпы, сақтардың салты сіңген қасиетті мекен. Осынау Ордабасы тауының қойнауында даңқты үш бидің бастамасымен 1726 жылы Орда тігіліп, қазақтың үш жүзінің басын қосқан құрылтай өтіп, жоңғар шапқыншылығына қарсы күреске халықты жұмылдыру жайы талқыланды. Бұл жиын – қазақ елі тарихындағы аса ауыр сын кезінде халықтың рухын көтеріп, ұлттық намыстың отын жаққан, жүрекке жігер, бойға қуат беріп, алдағы ұлы шайқастарға біртұтас ел болып аттанудың тағдырын шешкен аса маңызды оқиға болып саналады. Дәл осы Ордабасыда қазақ рулары өзара алауыздығын қойып, дұшпанға қарсы жорыққа аттанады. Осы кезден бастап бұл киелі, әулиелі жер саналып келеді. Бүгінде Түркістан облысының құрамындағы Ордабасы ауданы 1964 жылы Бөген ауданы болып құрылған. 130 мың тұрғыны бар ауданда 10 ауылдық округ, 57 елдімекен орын тепкен. Ал аудан орталығы Темірлан ауылының тұрғындар саны 15 мыңнан асады. Қойнауы құтқа толы Ордабасы ауданында ежелден қоныстанған әулеттің бірі – Тоғызбай ата ұрпақтары. Тоғызбай Бәйменұлы –  Ұлы жүздің Дулат руынан тараған Жаныс –Бөгежіл бабалардың ұрпағы.