🔱 ഭക്തരുടെ നേരെ പാഞ്ഞടുത്ത കാളകാട്ട് കരിംകുട്ടിച്ചാത്തൻ വെള്ളാട്ടം | Theyyam Series | Episode 5 | скачать в хорошем качестве

🔱 ഭക്തരുടെ നേരെ പാഞ്ഞടുത്ത കാളകാട്ട് കരിംകുട്ടിച്ചാത്തൻ വെള്ളാട്ടം | Theyyam Series | Episode 5 |

ഒരു ദിവസം ശിവനും പാർവതിയും വള്ളുവനും വള്ളുവത്തിയുമായി വേഷം മാറി ഭൂമിയിൽ എത്തിയപ്പോൾ, ആ ദിവ്യയോഗത്തിൽ ജനിച്ച പുത്രനാണ് കുട്ടിച്ചാത്തൻ. അന്നത്തെ കാലത്ത് മക്കളില്ലാതെ ദുഃഖിച്ചിരുന്ന കാളകാട്ടില്ലത്തെ നമ്പൂതിരിക്ക് ദൈവദത്തമായി ഈ കുട്ടിച്ചാത്തൻ മകനായി ലഭിച്ചു. അങ്ങനെ കുട്ടിച്ചാത്തൻ കാളകാട്ടില്ലത്തിലെത്തി വളരാൻ തുടങ്ങി. എന്നാൽ അവൻ സാധാരണ കുട്ടിയല്ലായിരുന്നു. ബ്രാഹ്മണാചാരങ്ങൾക്ക് വിരുദ്ധമായ പല ശീലങ്ങളും അവൻ പിന്തുടർന്നു. പഠനത്തിൽ അത്യന്തം ബുദ്ധിമാനായിരുന്നെങ്കിലും, ഗുരുവിന്റെ വാക്ക് അനുസരിക്കാൻ അവൻ തയ്യാറായില്ല. ഒരു ദിവസം കോപാകുലനായ ഗുരുനാഥൻ കുട്ടിച്ചാത്തനെ ശാസിക്കുകയും അടിക്കുകയും ചെയ്തു. അതോടെ കോപം പിടിച്ച ചാത്തൻ ഗുരുവിനെ വെട്ടിക്കൊന്ന് അവിടെ നിന്ന് സ്ഥലം വിട്ടുവെന്ന് കഥ പറയുന്നു. പിന്നീട് കാളകാട്ടില്ലത്തിലെ കന്നുകാലികളെ മേയ്ക്കുന്ന ചാത്തൻ ഒരിക്കൽ ഒരു കാളയെ അറുത്ത് അതിന്റെ ചോര കുടിച്ചു. ഇത് കണ്ട നമ്പൂതിരി അതീവ കോപിതനായി ചാത്തനെ ശിക്ഷിച്ചു. ഈ ശിക്ഷ ഇല്ലത്തെ അമ്മയുടെ ഏഷണി മൂലമാണെന്ന് കരുതിയ ചാത്തൻ, കോപത്തിൽ അമ്മയുടെ മാറിലേക്ക് കല്ലെറിഞ്ഞു. അതോടെ നമ്പൂതിരി അതികോപത്തോടെ ചാത്തനെ വെട്ടിക്കൊന്നു. പക്ഷേ… ചാത്തൻ ചത്തില്ല. ഇതിൽ വാശി കൂടിയ നമ്പൂതിരി ബ്രാഹ്മണരെ വിളിച്ചു കൂട്ടി ഒരു വലിയ ഹോമകുണ്ഡം നിർമ്മിച്ചു. വീണ്ടും ചാത്തനെ പിടിച്ച് വെട്ടി 390 കഷ്ണങ്ങളാക്കി 21 ഹോമകുണ്ഡങ്ങളിൽ ഹോമിച്ചു. പക്ഷേ അതോടെ കഥ അവസാനിച്ചില്ല… ആ ഹോമകുണ്ഡങ്ങളിൽ നിന്നെല്ലാം അനേകം കുട്ടിച്ചാത്തന്മാർ ഉദിച്ചു. അവർ അഗ്നിനൃത്തം ചെയ്ത് കാളകാട്ടില്ലവും സമീപത്തെ ബ്രാഹ്മണ ഇല്ലങ്ങളും മുഴുവൻ ചുട്ടുകരിച്ചു. അങ്ങനെ നാട്ടിൽ ഉപദ്രവകാരിയായി അലഞ്ഞുനടന്ന ചാത്തനെ ശാന്തമാക്കാൻ അവസാനം നാട്ടുകാർ ഒരു തീരുമാനമെടുത്തു. അവനെ അടക്കി ആരാധിക്കാൻ കോലം കെട്ടി പൂജിക്കാൻ തുടങ്ങി. അങ്ങനെ തന്നെയാണ് ഇന്നും വടക്കൻ മലബാറിൽ ഭയവും ഭക്തിയും ഒരുമിച്ച് നിറച്ച് കുട്ടിച്ചാത്തൻ തെയ്യം അരങ്ങേറുന്നത് #karimkuttichathan #malabartheyyam #theyyamkerala #theyyam #theyyamkannur #theyyamkasargod #theyyamkannur #keralatourism #theyyamkerala #theyyam #keralatheyyam #travelkannur #theyyamdaires #theyyamshorts #theyyamkasargod