Er Institut d'Estudis Aranesi - Acadèmia Aranesa dera Lengua Occitana скачать в хорошем качестве

Er Institut d'Estudis Aranesi - Acadèmia Aranesa dera Lengua Occitana

Er Institut d’Estudis Aranesi - Acadèmia Aranesa dera Lengua Occitana ei era autoritat lingüistica dera varianta aranesa dera lengua occitana. Ena sua activitat, era acadèmia seguís es principis dera Gramatica Occitana de Loís Alibèrt, pr’amor qu’er aranés, ei part integranta der espaci lingüistic occitan. Aital, collabòra tanben amb d’autras entitats de recerca per l'establiment de la normativa lingüistica de referéncia per l'ensems de la lenga occitana. Mès, qué ei era lengua occitana? En pòques paraules, era lengua occitana ei era lengua qu’a dat era explosion literària mès grana dera Euròpa dera Edat Mieja: era lengua des trobadors e des trobairitz. Aguesti escrivans e compositors medievaus utilizèren ua madeisha lengua en ua madeisha zòna territoriau entà crear e difóner es sues òbres. D’aguesta manèra s’anèc definint un territòri damb ues caracteristiques lingüistiques molt similares, enquia arribar a çò que coneishem aué coma er espaci lingüistic occitan, que compde damb autors coma Frederic Mistral, Prèmi Nobel de Literatura en an 1904. Era Val d’Aran forme part d’aguest territòri. Er aranés ei ua petita pèça der enòrme mosaïc dera lengua occitana. Aué, ei ua lengua viua. A trauès d’era: mos relacionam, aprenem, connectam, arrim, cuedam, trabalham, mos estimam. Forme part dera nòsta identitat. Per açò, ei reconeishuda coma lengua oficiau en tota Catalonha. D’aguesta manèra, era nòsta lengua a besonh d’ua autoritat academica, que sigue independenta des administracions publiques, e que velhe peth sòn benèster. Ei atau coma arribam ara creacion der Institut d’Estudis Aranesi - Acadèmia Aranesa dera Lengua Occitana, qu’exercís era autoritat lingüistica dera varietat aranesa dera lengua occitana, e a per objectius era nauta investigacion der aranés, er assessorament en aguesta matèria e er establiment dera sua normativa lingüistica. Ara ja ac sabes, era lengua, ei un ahèr de totes e toti. Anima-te a contactar damb era acadèmia, visitar era sua pagina web, mantier-te ath dia sus era sua activitat o consultar es sues publicacions. Serà un plaser compdar damb tu! www.institutestudisaranesi.cat