ស្នងការនគរបាលខេត្តសៀមរាប នឹងអនុវត្តវិធានការរឹតបន្តឹងច្បាប់ចរាចរណ៍ផ្លូវគោក ​ скачать в хорошем качестве

ស្នងការនគរបាលខេត្តសៀមរាប នឹងអនុវត្តវិធានការរឹតបន្តឹងច្បាប់ចរាចរណ៍ផ្លូវគោក ​

ស្នងការនគរបាលខេត្តសៀមរាប នឹងអនុវត្តវិធានការរឹតបន្តឹងច្បាប់ចរាចរណ៍ផ្លូវគោក ដើម្បីកាត់បន្ថយករណីគ្រោះថ្នាក់ចរាចរណ៍ ដោយមើលឃើញពីករណីគ្រោះថ្នាក់ចរាចរណ៍ក្នុងខេត្តសៀមរាប មានការកើនឡើងគួរឱ្យកត់សម្គាល់ និងដោយមានការចង្អុលបង្ហាញពី ឯកឧត្តម ប្រាក់ សោភ័ណ អភិបាលខេត្ត ចាប់ពីពេលនេះតទៅ ស្នងការនគរបាលខេត្ត នឹងចាត់វិធានការរឹតបន្តឹងច្បាប់ចរាចរណ៍ផ្លូវគោកឡើងវិញ ជាពិសេសចាត់វិធានការក្ដៅពីលើវិធានការអប់រំជុំវិញអ្នកបើកបរទាំងអស់ដែលមិនគោរពច្បាប់ចរាចរណ៍។ ក្នុងឱកាសចុះពីនិត្យការអនុវត្តច្បាប់ចរាចរណ៍ផ្លូវគោក ក្នុងក្រុងសៀមរាប នារសៀលថ្ងៃទី១៩ ខែកុម្ភៈ ឆ្នាំ២០២៦ លោកឧត្តមសេនីយ៍ទោ ហួត សុធី ស្នងការនគរបាលខេត្ត មានប្រសាសន៍ថា ដើម្បីដោះស្រាយជុំវិញការកើនឡើងនៃចំនួនគ្រោះថ្នាក់ចរាចរណ៍ ស្នងការនគរបាលខេត្តសៀមរាប បានត្រៀមលក្ខណៈរួចរាល់ក្នុងការចុះអនុវត្តច្បាប់ចរាចរណ៍ផ្លូវគោកនៅតាមគោលដៅសំខាន់ៗ ជាពិសេសបញ្ចេញនូវសម្ភារបច្ចេកទេស ដើម្បីផ្ដល់នូវសុក្រឹតភាពក្នុងពេលចុះបំពេញភារកិច្ចក្នុងឱកាសនេះ លោកក៏បានសំណូមពរឱ្យប្រជាពលរដ្ឋ ចូលរួមគោរពច្បាប់ចរាចរណ៍ផ្លូវគោកឱ្យបានគ្រប់ៗគ្នា។ ........ប្រសាសន៍ លោកឧត្តមសេនីយ៍ទោ ហួត សុធី....... លោកឧត្តមសេនីយ៍ទោ បានបញ្ជាក់ថា ក្នុងចំណោមករណីគ្រោះថ្នាក់ចរាចរណ៍ដែលកើតមានក្នុងខេត្តសៀមរាប គឺបណ្ដាលមកពីកត្តាល្មើសល្បឿន មិនគោរពសិទ្ធិ ស្លាកសញ្ញាចរាចរណ៍ ជាពិសេសនៅតាមគោលដៅភ្លើងស្កុប ដែលបណ្ដាលកើតមាននូវករណីគ្រោះថ្នាក់ចរាចរណ៍នេះកើតឡើង។ កន្លងមកមន្រ្តីជំនាញតែងតែធ្វើការអប់រំផ្សព្វផ្សាយពីច្បាប់ចរាចរណ៍ផ្លូវដល់សាធារណៈជនទូទៅ ជាពិសេសយុវវ័យ ដើម្បីឱ្យពួកគាត់មានការភ្ញាក់រលឹក និងចូលរួមអនុវត្តច្បាប់ឱ្យមានប្រសិទ្ធភាព សំដៅកាត់បន្ថយអត្រារបួស និងស្លាប់ដោយសារគ្រោះថ្នាក់ចរាចរណ៍៕ អត្ថបទ និងរូបភាព៖ មន្ត្រីមន្ទីរ កែសម្រួល៖ លោក អ៊ុន ណារាជ្យ