Blokees Rei Ayanami Plug Suit Fantastics Evangelion 布魯可 綾波麗 戰鬥服 新世紀福音戰士 скачать в хорошем качестве

Blokees Rei Ayanami Plug Suit Fantastics Evangelion 布魯可 綾波麗 戰鬥服 新世紀福音戰士

呢隻原本諗住要砌幾個鐘, 點知打開盒時都嚇左一跳, 有吸塑巳經奇怪, 模型邊會有吸塑, 係影片可以見到, 原來成個模型係呈斷肢狀態, 啪埋一齊就搞掂, 一兩分鐘可以砌完, 真係 o 晒嘴, 點解廠方又唔順便啪埋佢成個原型 figure 咁出算喇, 但都好既, 唔洗嘥時間去砌, 佢最好係塗裝都做埋喇。 對比 S.H.Figuarts 綾波麗 同 30MP 綾波麗, 布魯可既係最大隻既, 望住三個綾波麗, 真係感覺好笑, 布魯可係成年既, 30MP 係少年既, 而 SHF 綾波麗係細路囉。站立方面, 其實 3 隻都唔掂, 無一隻可以經得起轉盤考驗, 全部轉到中途就係轉盤到仆街跌落嚟, 所以要用 blu tack, 唔係拍 n 次都唔洗旨意拍得完啲片, 3隻嚟講, 布魯可算企得最穩亦係最重磅既, 第二係30MP, 因為佢身比較輕, 但腳眼關節同膝關節就比較緊, 企得最唔掂緊係 SHF 啦, 腳眼同膝關節鬆之餘隻野又重, pk 得最嚴重首推 SHF。對比 3 隻, 亦係只有 SHF 係屁股位唔畫埋果4條黑色間佢, 明既 SHF 成日都係背部偷工減料。 布魯可有三個面相, 感覺係斜視眼最好睇, 對眼大好多, 所以影片大多用佢, 而正視眼硬係覺得佢怪怪地無咁靚, 用斜視眼張臉係拍得住 30MP綾波麗，但布魯可個髮型形狀感覺係無30MP 同SHF 咁靚, 布魯可個頭型正面睇同側面睇都無30MP 同SHF 咁靚, 最好係30MP, 第二SHF, 第三布魯可, 純綷個人觀點, 人人不同, 各有喜好。戰鬥服方面, 布魯可又好似一啲黃黃地既白膠, 有啲珍珠色咁但又無咁令, 質感同顏色嚟講都係最鐘意 30MP。布魯可做得最靚, 應該就係條腰, 係成條好明顯既真人馬甲線做出嚟, 但以卡通動漫嚟講, 最啱 feel 既做法係 30MP 條腰, 最有漫畫 feel, 而 SHF 當然最差, 因為要做腰關節係可動性自然要放棄體態既美感。再睇大比同小腿，布魯可同30mp 既線條或弧度都好靚好優美，shf 就比下去囉，shf 係好筆直既。 布魯可既支架原來係一個有彈性既夾, 可以夾住隻 figure 好穩陣, 真係估唔到佢係咁, 因為無咩玩布魯可啲模型, 但呢副又真係唔係一般既模型囉, 你好似三色機龍都砌到我傻左, 原本巳經唔想再砌模型。