鬥牛梗 - 在我心中有多重 歌詞音樂錄像 скачать в хорошем качестве

鬥牛梗 - 在我心中有多重 歌詞音樂錄像

雨粉紛飛 將髮際沾濕 寒意無聲無息咁爬進脊髓 再慢慢衝上腦際 我捽一捽眼 空氣又濃又濁 雨天彷彿壓在兩肩 雖然仍然可以呼吸 但係只限於最低限度嘅呼吸 幾時先可以再看到陽光 聽到鳥兒係樹梢上追逐嬉戲 雨愈落愈大 令人懷疑究竟係咪有彩虹 重要嘅係我可唔可以捱到嗰陣時 我唔清楚身體可以支撐幾耐 但係我已經累透 係呢個咁黑暗嘅地方 生命嘅光早已經油盡燈枯 點解好似只有得我一個人覺得寂寞 我都希望可以簡簡單單 普普通通 營營役役 日出日落 睇唔到城市嘅蒼白 聽唔到無聲嘅吶喊 嚐唔到生命嘅苦澀 嗅唔到腐爛嘅欲望 時間無表情咁一直向前進 我卻困喺原地 喺時空嘅藩籬外 睇住呢齣影畫戲 但係我卻同時感受到 由歷史文明洪流累積堆疊而成嘅痛苦正將我逐寸瓦解 睇住走馬燈 轉動轉動轉動轉動轉動轉動轉動轉動 係呢一股浪潮面前 進退維谷 抵抗又有啲乜野作用 抵抗又有啲乜野作用 有人嘅地方就有社會 有社會就有權力 有權力就有壓榨 一切唔係必然 卻又咁順理成章 係邊一個掉下呢個果實 係邊一個將呢個盒擅自打開 然後任由其四處亂竄 將人性一滴一滴一滴咁蠶食 將禍害一代一代一代咁無盡伸延下去 難道我只能睜眼向住墳墓邁進 難道我注定要以人類嘅身份 承受藏於基因中嘅痛苦 究竟有幾多人將一生虛耗 苦苦掙扎 將苦短嘅燭光盡力燃燒 到最後發現一切徒勞無功 究竟有幾多人妄想逃避到剎那嘅快慰幻象 終日沉溺喺聲色犬馬紅男綠女中 感官無止境咁放大 靈魂卻同時慢慢萎縮 究竟有幾多人敵唔過現實嘅蹂躪 將自已放逐到世界嘅盡頭 靜靜咁舔著淌血嘅傷口 以空洞嘅眼神告訴你 請勿打擾我 究竟你係邊個 你嘅本質係乜嘢 你嘅生命有咩目的 你存在喺世界起著乜嘢作用 意義為何 有啲咩值得你追求 有咩對你喺過眼雲煙 咩事情對你重要 咩嘢喺必要 咩嘢喺需要 咩嘢喺價值 你嘅人生觀究竟喺啲乜嘢 你嘅底線又喺乜嘢 你依家嘅道路會通向邊度 喺面前等緊你嘅 又係啲乜嘢 悠悠長空下 人類喺如何作繭自縛 如何讓文明誕生 如何步向滅亡 我地彼此傷害 互相妨礙 我地已經忘掉如何嬉戲 徹底分裂為個體 忘掉源頭 忘掉生命 忘掉永恆 忘掉忘掉 如果繼續咁樣落去 我地究竟總算唔算喺當初嘅人呢 究竟從何年何月開始 人類走上呢條道路 到何年何月 我地先可以任意喺草地面上赤腳奔馳 感受母親嘅溫柔 為生存感恩 向萬物致以最深切嘅關懷