衰格系列：男人老狗錶位打尖恰女人，仗義貨VAN大佬幫手（轉載） скачать в хорошем качестве

衰格系列：男人老狗錶位打尖恰女人，仗義貨VAN大佬幫手（轉載）

轉載‎Ching Wai Tsen 片主：人無恥便無敵系列😡😡😡 真係好嬲，嬲到要幫你成名真係第一次！男人老狗可以咁無品！蝦我一個女人！咁大個人連排隊都唔識，仲厚顏無恥話讓返我？低能架你！我排左半個中啊！好彩香港地仲有好多見義勇為嘅司機大哥落車幫我，感謝🙏🏻🙏🏻🙏🏻 #PD6624 名校SECRETS版本：（  / 809579662536784）   你地好，我係圖中老師嘅其中一位學生。對於本校嘅訓導老師被斥責排咪錶插隊無品、無禮、無責任，本人希望藉呢一個平台同大家理性分析呢一件事。 首先，大家所睇到嘅都只係成件事情嘅一部分。當事人所提供嘅影片只有發生爭執時嘅情況，因此我地根本無從考究爭執前所發生嘅事，又如何只靠當事人嘅片面之詞以及一段唔完全嘅影片就去斷定一個人係啱定錯？當然，我並非質疑影片有造假，或者當事人有意誣陷我地老師，只不過希望喺事情未有確實證據之前，大家可以理性地去討論一件事，而唔係比所謂嘅正義感矇蔽雙眼，人云亦云地去謾罵我地老師。 其次，假設老師真係做左呢一件事，我相信亦都只係無意之舉，畢竟唔係每個人都瞭解停車場嘅規矩。喺影片中，我地見到老師被辱罵後有嘗試冷靜同當事人以及在場其他人交談，惟在場人士嘅情緒依然漸變激動，導致老師後尾亦有小小失控嘅表現，但係最後都願意讓返個位比女事主。我認同老師嘅態度的而且確較為無禮，再加上措辭失當，先會引發今次嘅誤會。老師喺事過之後經已自我反省，對此事感到非常歉疚，並承諾以後會加以篤促自己嘅行為，成為更好嘅榜樣。在此，我懇求大家可以原諒佢嘅無心之失。 無可否認，老師有錯在先。但事情嘅嚴重性真係去到要網絡公審嘅程度？人誰無過，一次街頭嘅爭執竟然比大家話要推上報、搞大件事、開名，咁樣真係加以思考後嘅行為？女事主批評老師自私無恥，難道佢因為自身嘅憤怒，將老師嘅樣貌放上網絡，令佢飽受鞭撻、人身攻擊，就唔係自私嘅行為？現時資訊發達，於是人濫用自己嘅權利，妄想成為網絡法官，制裁其他人，貫徹自己心目中嘅「俠義理念」，而漠視對象嘅感受，忽略事後嘅後果，無視自己曾經犯過嘅錯，只顧無限咁將對方嘅失誤放大。而網民用非理性嘅角度、非黑即白嘅思維對人作出批判，騷擾、羞辱對方，詆毀人地嘅聲譽，呢種網絡暴力竟然無人斥責，反而個個支持，實在令本人感到十分不解。 再且，我堅信在校每位學生都清楚老師嘅平素為人。有人留言指老師係「教畜」、「唔配為人師表」、「誤人子弟」，我絕對唔同意呢啲講法。老師喺學校係一個賞罰分明、用心教學嘅人，並無仗恃自己權力欺壓學生，處事公道。老實講，有幾多訓導老師係會受學生愛戴？但係呢位老師做到。即使佢對住唔守校規嘅學生，仍然會嘗試去理解佢地，無因此放棄、鄙視、針對佢地，亦識得去體諒同關心每一位同學，唔係一味靠惡、罰去制伏學生。無論喺邊一個角度、邊一個層面睇，佢都係一個優秀而值得敬重嘅老師。 最後，我知道實有人話我係打手、護主犬、甚至誣陷我就係老師本人，打完呢句又會比人話我此地無銀三百兩，如果你要堅持己見，我亦都無話可說。我只係希望大家睇完呢篇文之後可以理性思考分析，原諒老師嘅小過失，亦認清自己嘅所作所為是否適當。