له‌یادى كیمیابارانى هه‌ڵه‌بجه‌ چه‌ند چاڵاكییه‌ك به‌ڕێوه‌چوون скачать в хорошем качестве

له‌یادى كیمیابارانى هه‌ڵه‌بجه‌ چه‌ند چاڵاكییه‌ك به‌ڕێوه‌چوون

17-3-2015 - له‌لایه‌ن سه‌نته‌رى رۆشنبیرى قه‌سرێ و كۆمه‌ڵه‌ى مامه‌ڕووت به‌هاوكارى دام و ده‌زگا حكوومییه‌كانى سنووره‌كه‌، ئه‌مساڵ یادى كاره‌ساتى كیمیابارانى هه‌ڵه‌بجه‌ له‌ناو بازاڕى قه‌سرێ، به‌ ئاماده‌بوونى به‌رپرسانى حكوومى و حزبى و جه‌ماوه‌رێكى زۆرى ناوچه‌كه‌ ئه‌م یاده‌ به‌چه‌ند چاڵاكییه‌ك به‌رز راگیرا. ئه‌م چاڵاكییانه‌ خۆى ده‌بینییه‌وه‌ له‌ چه‌ند په‌رده‌شانۆیه‌ك كه‌ گوزارشتیان له‌ ساته‌وه‌ختى كیمیابارانى شارى هه‌ڵه‌بجه‌ ده‌كرد، كه‌ هاووڵاتیانى ئه‌م شاره‌ له‌كاتى سه‌رقاڵبوون به‌ ژیانى ساده‌یى رۆژانه‌یان تووشى گه‌وره‌ترین كاره‌سات بوونه‌وه‌، هه‌ر له‌و چاڵاكییه‌دا به‌چه‌ند پارچه‌ شیعر و موزیكیش یاده‌كه‌یان خسته‌ دڵى ئاماده‌بوانه‌وه‌. هه‌ر له‌و یاده‌دا له‌لایه‌ن یه‌كه‌ى ئیدارى شاره‌دێى قه‌سرێ به‌ هاوكارى ده‌سته‌ى پاراستن و چاككردنى ژینگه‌ى هه‌رێم و رێكخراوه‌كان و دام و ده‌زگا حكوومیه‌كانى ناوچه‌كه‌، هه‌ڵمه‌تێكى نه‌مام چاندن به‌ڕێوه‌چوو و باخچه‌یه‌ك به‌ناوى (باخى پێشمه‌رگه‌) بونیاد نرا، ناونانى ئه‌م باخچه‌یه‌ به‌ناوى (پێشمه‌رگه‌) بۆ وه‌فادارى و قوربانیدانى هێزه‌كانى پێشمه‌رگه‌یه‌ كه‌ ئێستا له‌به‌رانبه‌ر دوژمنان خاكى پیرۆزى كوردستان ده‌پارێزن و به‌خوێنى ئاڵى خۆیان به‌رگرى له‌ كوردستان ده‌كه‌ن و بوونه‌ته‌ هه‌وێنى ئاشتى و ئارامى و سه‌قامگیربوونى ئاسایش بۆ تاكه‌كانى كوردستان. هه‌ر له‌و مه‌راسیمه‌دا به‌ چاندنى كۆمه‌ڵێك نه‌مام باخچه‌كه‌ كرایه‌وه‌. په‌یامنێر - كه‌ریم سمكۆ وێنه‌گر - فرسه‌ت حوسێن مۆنتاژ - شه‌هناز سه‌لیم