Ömürlük məhkum kamera yoldaşını kibritə görə öldürübmüş - Təfərrüat – APA TV скачать в хорошем качестве

Ömürlük məhkum kamera yoldaşını kibritə görə öldürübmüş - Təfərrüat – APA TV

#APATV #Ömürlükməhkum #kamerayoldaşı #Qobustanhəbsxanası #qətl #PenitensiarXidmət #məhkəmə #cinayət #xəsarət 29 ildir həbsdə olan və ötən il həbsxanada kamera yoldaşını öldürən Zahidikəhriz Abbasovun cəza müddətinə daha 18 il əlavə olunub. “Qafqazinfo”nun yaydığı məlumata görə, Bakı Ağır Cinayətlər Məhkəməsində baxılan cinayət işi üzrə bir sıra detallar məlum olub. Belə ki, onun həbsdə qətlə yetirdiyi kamera yoldaşı Oleq Abişev də ömürlük məhkum imiş. Qətl isə kibrit çöpü üstündə baş verib. Hadisə günü Z.Abbasov siqaret çəkmək üçün kibrit tapa bilmədiyinə görə səs-küy salıb, söyüş söyməyə başlayıb. Oleq Abişev bu barədə ona irad tutub və nəzarətçilərə məlumat verib. Abbasov kamera yoldaşının iradına görə onu cəzalandırmaq qərarına gəlib. Onunla mübahisəyə başlayıb və üzündən bir neçə yumruq zərbəsi vurub. Daha sonra onu yerə yıxıb, otaqdakı stəkanın arxa hissəsi ilə onun başına ard-arda zərbələr vurub. Oleq Abışev həmin gün Penitensiar Xidmətin Müalicə Müəssisəsinə yerləşdirilsə də, aldığı xəsarətlərdən ölüb. Zahidikəhriz Abbasov məhkəmədə ifadə verərkən deyib ki, Oleq Abişevlə 2018-ci ildən eyni kamerada cəza çəkir və hadisə baş verən günədək münasibətləri normal olub. Ancaq həmin gün aralarında gərginlik yaşanıb və Oleqi əvvəl güləş fəndi ilə yerə çırpıb, başı pilləkənə dəydiyindən partlayıb. Bundan sonra Oleq stəkanla hücum çəkib, qolunu burub stəkanı əlindən alıb və başına zərbə vurub. Sitat: Həmin an nəzarətçilər gəlib məni apardılar. Oleq xəstəxanaya gedəndən 1 həftə sonra öldü. Düzgün müalicə aparılsa idi, ölməzdi”. SİTATIN SONU Hakimlər Zahidikəhriz Abbasova Cinayət Məcəlləsinin xuliqanlıq niyyəti ilə adam öldürmə maddəsi ilə təqsirli bilərək 18 il həbs cəzası veriblər. O, ömürlük məhkum olduğu üçün bu qərar cəza müddətinə fiziki olaraq hər hansı təsir etməsə də, gələcəkdə əfv sərəncamından faydalanmasının qarşısını alacaq. Zahidikəhriz Abbasov 20 yaşında Rusiyada qətl törətdiyinə görə ömürlük məhkum edilib. O, 20 ildən sonra Azərbaycana gətirilib, Qobustanda yerləşən qapalı həbsxanaya köçürülüb. Onun qətlə yetirdiyi Oleq Abişev isə anası və qardaşını döyərək öldürməkdə təqsirli bilinərək ömürlük məhkum olunmuşdu. ✅ Rəsmi saytımız: https://apa.tv ✅ Rəsmi facebook səhifəmiz:   / tvapaxeber   ✅ Rəsmi instagram səhifəmiz:   / apatvresmi   ✅ Rəsmi twitter səhifəmiz:   / apatvofficial   ✅ Rəsmi teleqram səhifəmiz: https://t.me/apa_tv ✅ Rəsmi youtube kanalımız: https://www.youtube.com/APAGROUPOffic... Copyright © APA TV Videolarda yazılan rəylərə görə kanal rəhbərliyi məsuliyyət daşımır. REKLAM TƏKLİFİ ÜÇÜN (Contact) [email protected]