Sunday Reflection || 23.11.2025 || Br.Sukanta Debbarma скачать в хорошем качестве

Sunday Reflection || 23.11.2025 || Br.Sukanta Debbarma

Subrai Jisu lobjakthung Tinini Reading rok:- Puila Porima 2 Samuel 5: 1-3 Bebak Israil bosongni bororok Hebrono Daudni thani phaiwi hai hwnwi sa phai kha, “Nai di chwng nini bahan-bwthẃi se. Agi-o Sol bugra cháui tong phurubo, nwng Israilrokno tẃidul kha Subraiyung nono hai hwnwi sa kha, ‘Nwng ani Israil bororokni mwrwknai tei nwng bórokni bubagra wngnai.’ ” Hakhe Israilni bebak tẃiphangrok Hebron o habugrani thani phai lai kha. Tei bubagra Daud bórok bai Subraiyungni bwskango kók kha lai kha, aboni yagulo bórok Daudno Israilni habugra chá rw lai kha. Kiphiknwi porima:- Kolosai 1: 12-20 Pohorni ha-o Kaitor bini bororokni bagwi khatiui tonmano bui bai baksa man rwna bagwi norokno chúk rwnai a Aphano khá tongthogwi hambai rw di. Bo chwngno mwnakmani yakni phiyók kha, hakhe bini khájani Sajlani ha-o kaham kwrwng khe tubu kha, bini thẃini jarwi se chwng phiyókjago, abo tamo hwnma le chini sumsok nakarjago. Khristo wng kha nukjak ya Kaitorni mangtang. Bo se puila achai granai Sajla, aswk snamjaknairokni slái bo se kotor. Tamni hwn ba bo bai se Kaitor chuknoha bai o swngcharo joto manwino snamo, mwtairok, hodarok, bugrarok tei bokhorokrok bai nukjak ya phano wng thung nukjaknai phano wng thung bebak manwino snamo. Kaitor bini yak tẃi, bini bagwi bebak swngcharo snam kha. Bebak manwirok wng ya sini’-no bo tongo, bo bai thansa wngma bising tẃi se aswk manwirok janija khrapsa wngwi tongo. Bo wng kha bini bwsak mothani bokhorok; bo se bwsakno mwthangnai, bo simi se bebakni bokhorok wngwi manna tẃi khe bo se puila kwthwini mwthangwi tisajaknai. Tamni hwn khe Sajla katswi Kaitor hai’-no abo Kaitor khá chongma bai se wngo. Hakhe Sajlani bising tẃi bebak swngcharno bo bai kwtha rwna hwnwi Kaitor khá chong kha. Bini Sajla kruso thẃi rwmani bising tẃi Kaitor kwtha rw kha, hakhe abo baino swngchar bai chuknohani bebak’-no bo bai kwtha rw kha Gospel Reading:- Luk 23: 35-43 Lukurok aro bachaui naiwi tong kha. Judai bokhorokrok bono mwnwi laiwi hai hwnwi sa kha, “O borok buino le mwthango; bo Kaitorni chongjak Masia hwn khe sakno mwthang thung!” Sengkrakrokbo bono mwnwi lai kha. Bórok bini gana thángwi arak ham tha ya hadi laiwi “Nwng Judairokni bugra khe sakno mwthang di!” hwnwi sa lai kha. Bini bokhorok saka-o, “O borok Judairokni bugra,” hwnwi swijak. Aro khachijaknai a borok hamya khoroknwini bere khoroksa bono kului hai hwnwi hwn kha, “Nwng’-ba Masia hwn bla? Hakhe nwng’-bo thang di, chwngnobo mwthang di.” Tamo khe tei khoroksa bono damrogwi hai hwnwi sa kha, “Nwng Kaitorno kiri ya da? Chwng khoroktham dalsa khe ma thwinai. Chini le sói’-no, chwng tangma hai’-no chwng manjagwi tongo. Bo le mungsa phano samung hamya tang ya.” Hakhe bo Jisuno hai hwnwi sa kha, “O Jisu, nwng bugra wngwi phai phuru ano ta pok ja di.” Jisu bono hai hwnwi sa kha, “Ang nono o kók sa-o, tini’-no nwng ang bai baksa Paradaiso tongwi anw.”