Mike導宣佈做老闆開攀石場 離職Agent L出post撐Mike導回覆︰一世人兩兄弟搵唔到工咪過嚟做囉一定高人工過ViuTV（ скачать в хорошем качестве

Mike導宣佈做老闆開攀石場 離職Agent L出post撐Mike導回覆︰一世人兩兄弟搵唔到工咪過嚟做囉一定高人工過ViuTV（

熱愛自然生態，及各樣體能挑戰嘅Mike導(劉諾衡)，去年爆紅後頻頻喺社交媒體分享佢玩室內攀石，仲感染埋「無制限OT編集団」班兄弟Agent L(曹梓沖)、RainP(方震揚)等一齊學。 近月佢更由室內進階到攀真石。一身爆肌嘅Mike，繼續向難度挑戰，徒手攀爬一座又一座巨石，除講求臂力、腳力，亦需要膽量，片中Mike導雙手抓實一石角，然後一躍跳上，雙手準確抓住另一目標，石下一班朋友，一邊喺地面舖軟墊做足安全措施，一邊為佢打氣︰「Come on come on，頂得住。」睇住阿Mike一步一步攀上石頂，眾人拍掌高呼︰「厲害、厲害。」 鍾意拍真人騷節目嘅Mike，當然唔會只騷成功一面畀人睇，喺佢IG story亦放咗失敗片段，爬到中途，一個失手從高石墮地。放心，跌喺軟墊上面啫。 不過玩得呢個項目，受傷難免。其中一次攀石後，Mike導喺限時動態post咗手掌接受針灸及包紮相片，其中一張係運動復康治療師兼健身教練Nelson作出公開呼籲︰「現呼籲︰如果見到佢(Mike)爬緊石，唔該拉返佢落嚟。」據知， Mike導因為攀石觸及舊患，要接受治療。攀開有癮，Mike導唔理Nelson忠告，呢頭療傷，事隔幾日再攀過。 直至噚日，密集式分享攀石嘅佢，終於揭曉新搞作︰「喺度正式同大家宣佈，嚟緊我會同幾位拍檔開攀！石！場！小弟我非常鍾意做運動，由細到大喺運動入面得到嘅嘢實在太多太多，體魄、意志、友誼……非常希望大家都可以喺呢一個即將會出現嘅地方感受到我感受過/感受緊嘅嘢！！！完！」據知，Mike導攀石場Kizuna climbing 4月開業。忙完創業，佢同「無制限OT編集団」又埋首籌備新節目。 宣佈創業後，「無制限」成員即刻幫佢開心share，其中將離職ViuTV嘅Agent L出post撐佢做老闆︰「你個笑容咁真摯，梗係要支持下啦」，不過Mike導回覆好抵死︰「唔知點解覺得你係串緊我」、「一世人兩兄弟搵唔到工嘅咪過嚟做囉，一定高人工過ViuTV」。 另一「無制限」成員，編劇出身嘅麥可暉，更充份發揮佢啜核文筆︰「嚟阿Mike攀石場，有機會見到阿Mike攀石牆」、「請各路英雄大力支持，您支持得多細力都變大大力」、「佢啲肌我都見夠喇，都想畀其他人見下」。 同佢合作過《香港秘密搜查官》，一齊喺懸崖宿一宵嘅徐㴓喬，亦喺IG分享，仲講中好多格仔餅心聲︰「唔係唔支持呀嘛」、「相信好多人都想同導演一齊癲，終於有機會啦！」，Mike導神回︰「成功得到鬼妹支持，距離國際化不遠了」。 #Mike導 #劉諾衡 #AgentL #曹梓沖 #麥可暉 #徐㴓喬 #攀石場 #娛壹 ------------------------------------- 即刻跟住Follow 晒我哋Channel： FB：http://fb.me/as1hk.entertainment IG：  / as1.entertainment   YT：   / @as1.entertainment