Скачать с ютуб Shiva panchakshara Nakshatramala Stotram | Sivasri Skandaprasad | в хорошем качестве

Shiva panchakshara Nakshatramala Stotram | Sivasri Skandaprasad |

#sivasriskandaprasad #shivapanchaksharastotram Listen to the Lord Shiva Stotra of "Shivapanchakshara Nakshatramala Stotram " by Sivasri Skandaprasad. Lycris śrīmadātmane guṇaikasindhave namaḥ śivāya dhāmaleśadhūtakokabandhave namaḥ śivāya | nāmaśeṣitānamadbhavāndhave namaḥ śivāya pāmaretarapradhānabandhave namaḥ śivāya || 1 || kālabhītaviprabālapāla te namaḥ śivāya śūlabhinnaduṣṭadakṣaphāla te namaḥ śivāya | mūlakāraṇāya kālakāla te namaḥ śivāya pālayādhunā dayālavāla te namaḥ śivāya || 2 || iṣṭavastumukhyadānahetave namaḥ śivāya duṣṭadaityavaṃśadhūmaketave namaḥ śivāya | sṛṣṭirakṣaṇāya dharmasetave namaḥ śivāya aṣṭamūrtaye vṛṣendraketave namaḥ śivāya || 3 || āpadadribhedaṭaṅkahasta te namaḥ śivāya pāpahāridivyasindhumasta te namaḥ śivāya | pāpadāriṇe lasannamastate namaḥ śivāya śāpadoṣakhaṇḍanapraśasta te namaḥ śivāya || 4 || vyomakeśa divyabhavyarūpa te namaḥ śivāya hemamedinīdharendracāpa te namaḥ śivāya | nāmamātradagdhasarvapāpa te namaḥ śivāya kāmanaikatānahṛddurāpa te namaḥ śivāya || 5 || brahmamastakāvalīnibaddha te namaḥ śivāya jihmagendrakuṇḍalaprasiddha te namaḥ śivāya | brahmaṇe praṇītavedapaddhate namaḥ śivāya jiṃhakāladehadattapaddhate namaḥ śivāya || 6 || kāmanāśanāya śuddhakarmaṇe namaḥ śivāya sāmagānajāyamānaśarmaṇe namaḥ śivāya | hemakānticākacakyavarmaṇe namaḥ śivāya sāmajāsurāṅgalabdhacarmaṇe namaḥ śivāya || 7 || janmamṛtyughoraduḥkhahāriṇe namaḥ śivāya cinmayaikarūpadehadhāriṇe namaḥ śivāya | manmanorathāvapūrtikāriṇe namaḥ śivāya sanmanogatāya kāmavairiṇe namaḥ śivāya || 8 || yakṣarājabandhave dayālave namaḥ śivāya dakṣapāṇiśobhikāñcanālave namaḥ śivāya | pakṣirājavāhahṛcchayālave namaḥ śivāya akṣiphāla vedapūtatālave namaḥ śivāya || 9 || dakṣahastaniṣṭhajātavedase namaḥ śivāya akṣarātmane namadbiḍaujase namaḥ śivāya | dīkṣitaprakāśitātmatejase namaḥ śivāya ukṣarājavāha te satāṃ gate namaḥ śivāya || 10 || rājatācalendrasānuvāsine namaḥ śivāya rājamānanityamandahāsine namaḥ śivāya | rājakorakāvataṃsa bhāsine namaḥ śivāya rājarājamitratāprakāśine namaḥ śivāya || 11 || dīnamānavālikāmadhenave namaḥ śivāya sūnabāṇadāhakṛtkṛśānave namaḥ śivāya | svānurāgabhaktaratnasānave namaḥ śivāya dānavāndhakāracaṇḍabhānave namaḥ śivāya || 12 || sarvamaṅgalākucāgraśāyine namaḥ śivāya sarvadevatāgaṇātiśāyine namaḥ śivāya | pūrvadevanāśasaṃvidhāyine namaḥ śivāya sarvamanmanojabhaṅgadāyine namaḥ śivāya || 13 || stokabhaktito’pi bhaktapoṣiṇe namaḥ śivāya mākarandasāravarṣibhāṣiṇe namaḥ śivāya | ekabilvadānato’pi toṣiṇe namaḥ śivāya naikajanmapāpajālaśoṣiṇe namaḥ śivāya || 14 || sarvajīvarakṣaṇaikaśīline namaḥ śivāya pārvatīpriyāya bhaktapāline namaḥ śivāya | durvidagdhadaityasainyadāriṇe namaḥ śivāya śarvarīśadhāriṇe kapāline namaḥ śivāya || 15 || pāhi māmumāmanojñadeha te namaḥ śivāya dehi me varaṃ sitādrigeha te namaḥ śivāya | mohitarṣikāminīsamūha te namaḥ śivāya svehitaprasanna kāmadoha te namaḥ śivāya || 16 || maṅgalapradāya goturaṅga te namaḥ śivāya gaṅgayā taraṅgitottamāṅga te namaḥ śivāya | saṅgarapravṛttavairibhaṅga te namaḥ śivāya aṅgajāraye karekuraṅga te namaḥ śivāya || 17 || īhitakṣaṇapradānahetave namaḥ śivāya āhitāgnipālakokṣaketave namaḥ śivāya | dehakāntidhūtaraupyadhātave namaḥ śivāya gehaduḥkhapuñjadhūmaketave namaḥ śivāya || 18 || tryakṣa dīnasatkṛpākaṭākṣa te namaḥ śivāya dakṣasaptatantunāśadakṣa te namaḥ śivāya | ṛkṣarājabhānupāvakākṣa te namaḥ śivāya rakṣa māṃ prapannamātrarakṣa te namaḥ śivāya || 19 || nyaṅkupāṇaye śivaṅkarāya te namaḥ śivāya saṅkaṭābdhitīrṇakiṅkarāya te namaḥ śivāya | kaṅkabhīṣitābhayaṅkarāya te namaḥ śivāya paṅkajānanāya śaṅkarāya te namaḥ śivāya || 20 || karmapāśanāśa nīlakaṇṭha te namaḥ śivāya śarmadāya varyabhasmakaṇṭha te namaḥ śivāya | nirmamarṣisevitopakaṇṭha te namaḥ śivāya kurmahe natīrnamadvikuṇṭha te namaḥ śivāya || 21 || viṣṭapādhipāya namraviṣṇave namaḥ śivāya śiṣṭaviprahṛdguhācariṣṇave namaḥ śivāya | iṣṭavastunityatuṣṭajiṣṇave namaḥ śivāya kaṣṭanāśanāya lokajiṣṇave namaḥ śivāya || 22 || aprameyadivyasuprabhāva te namaḥ śivāya satprapannarakṣaṇasvabhāva te namaḥ śivāya | svaprakāśa nistulānubhāva te namaḥ śivāya vipraḍimbhadarśitārdrabhāva te namaḥ śivāya || 23 || sevakāya me mṛḍa prasīda te namaḥ śivāya bhāvalabhyatāvakaprasāda te namaḥ śivāya | pāvakākṣa devapūjyapāda te namaḥ śivāya tāvakāṅghribhaktadattamoda te namaḥ śivāya || 24 || bhuktimuktidivyabhogadāyine namaḥ śivāya śaktikalpitaprapañcabhāgine namaḥ śivāya | bhaktasaṅkaṭāpahārayogine namaḥ śivāya yuktasanmanaḥsarojayogine namaḥ śivāya || 25 || antakāntakāya pāpahāriṇe namaḥ śivāya śantamāya danticarmadhāriṇe namaḥ śivāya | santatāśritavyathāvidāriṇe namaḥ śivāya jantujātanityasaukhyakāriṇe namaḥ śivāya || 26 || śūline namo namaḥ kapāline namaḥ śivāya pāline viriñcimuṇḍamāline namaḥ śivāya | līline viśeṣaruṇḍamāline namaḥ śivāya śīline namaḥ prapuṇyaśāline namaḥ śivāya || 27 || śivapañcākṣaramudrācatuṣpadollāsapadyamaṇighaṭitām | nakṣatramālikāmiha dadhadupakaṇṭhaṃ naro bhavetsomaḥ || 28 || || śivapañcākṣaranakṣatramālāstotraṃ sampūrṇam ||