ផ្លែគុយដើមរដូវ លក់នៅភ្នំពេញមានតម្លៃខ្ពស់ скачать в хорошем качестве

ផ្លែគុយដើមរដូវ លក់នៅភ្នំពេញមានតម្លៃខ្ពស់

ផ្លែគុយដើមរដូវ លក់នៅភ្នំពេញមានតម្លៃខ្ពស់ ភ្នំពេញ៖ ផ្លែគុយ ដែលជាផ្លែឈើព្រៃមួយប្រភេទ កំពុងមានលក់លើទីផ្សារនៅរាជធានីភ្នំពេញ ខណៈនៅដើមរដូវឆ្នាំនេះ មានតម្លៃ ៥ម៉ឺនរៀលក្នុងមួយគីឡូក្រាម។ ជាទូទៅ ផ្លែគុយអាចផ្តល់ផលចាប់ពីខែកុម្ភៈ ដល់ខែឧសភា ជារៀងរាល់ឆ្នាំ។ សូមអញ្ជើញប្រិយមិត្តទស្សនាវីដេអូសម្ភាសដូចតទៅ៖ ផ្លែគុយជារុក្ខជាតិព្រៃ ដែលភាគច្រើនដុះនៅតាមតំបន់មានព្រៃឈើធំៗ និងតាមតំបន់ភ្នំ។ ផ្លែគុយត្រូវបានប្រជាពលរដ្ឋស្គាល់ និងនិយមបរិភោគកាន់តែច្រើនដោយសាររសជាតិជូរអែមឆ្ងាញ់។ អ្នកស្រី ឡាង ខេង អ្នកលក់ផ្លែគុយ បានលើកឡើងថា ឆ្នាំនេះ ផ្លែគុយបានចូលមកដល់ទីផ្សារលឿនជាងឆ្នាំមុន ដោយចាប់ផ្តើមមានលក់តាំងពីខែមករា។ នៅដើមរដូវឆ្នាំនេះ អ្នកស្រីអាច លក់បានក្នុងតម្លៃ ៥ ទៅ ៧ម៉ឺនរៀលក្នុងមួយគីឡូក្រាម ប៉ុន្តែពេលផ្លែសម្បូរវិញ តម្លៃនឹងធ្លាក់ចុះបន្តិចម្ដងៗ។ អ្នកស្រី ឡាង ខេង អះអាងដូច្នេះ ៖ «ខ្ញុំយកផ្លែគុយទាំងនេះ មកពីខេត្តកោះកុង។ មួយថ្ងៃខ្ញុំអាចលក់ផ្លែគុយអស់ ៥០គីឡូក្រាម។ របរលក់ផ្លែគុយនេះ ល្អដោយទទួលបានប្រាក់ចំណេញមួយថ្ងៃ១០ម៉ឺនរៀលដែរ»។ ជាអ្នកលក់ផ្លែគុយនៅជិតរង្វង់មូលសម្ដេចព្រះសង្ឃរាជ ជួន ណាត ក្នុងរាជធានីភ្នំពេញ អ្នកស្រី ឡាង ខេង បានប្រាប់ថា អ្នកស្រីប្រកបមុខរបរនេះអស់រយៈពេលប្រមាណ១០ឆ្នាំមកហើយ។ អ្នកស្រី ឡាង ខេង បញ្ជាក់ថា ឆ្នាំនេះតម្លៃផ្លែគុយនៅតែរក្សាបានល្អ ដូចឆ្នាំមុន ហើយប្រសិនបើលក់បានទាន់ពេល អាចទទួលបានចំណេញគួរសម។ អ្នកស្រីបានបន្ថែមថា ផ្លែគុយ ជាផ្លែឈើដែលងាយខូច ប្រសិនបើលក់មិនទាន់ពេលតម្លៃអាចធ្លាក់ចុះខ្លាំង។ បច្ចុប្បន្ន ផ្លែគុយ កាន់តែមានអ្នកស្គាល់ និងនិយមបរិភោគច្រើន ក៏ធ្វើឱ្យអាជីវករជាច្រើនបន្តនាំយកផ្លែឈើព្រៃប្រភេទនេះ មកលក់នៅតាមទីផ្សារនានា ក្នុងរាជធានីភ្នំពេញ និងតាមបណ្ដាខេត្តផ្សេងៗផងដែរ៕ ផលិតដោយសារព័ត៌មានឌីជីថលថ្មីៗ ដោយ៖ សែម ប្រាក់ដាវ សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប! សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប! ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn ThmeyThmey Social Media: Youtube: https://bit.ly/2RNzknr Instagram: https://bit.ly/32QSFup Twitter: https://bit.ly/3iTsTuS Web: https://bit.ly/3hPEU3q Facebook: https://bit.ly/2FGyvKY Threads: https://bit.ly/44q1UPl © All Rights Reserved & Copyrights by Thmey Thmey Digital Media (thmeythmey.com) #thmeythmey #thmeythmeynews #cambodianess #thmeythmey25 #angkorwat #cambodia #ថ្មីៗ