Xocalıya qayıdırıq-tamaşa. 25.02.2026 Masallı Mədəniyyət Mərkəzi скачать в хорошем качестве

Xocalıya qayıdırıq-tamaşa. 25.02.2026 Masallı Mədəniyyət Mərkəzi

Masallıda “Xocalıya qayıdırıq” ədəbi-bədii kompozisiyası nümayiş olunub. Fevralın 25-də N.Gəncəvi adına Masallı rayon Mədəniyyət Mərkəzində Xocalı soyqırımının otuz dördüncü ildönümünə həsr olunmuş “Xocalıya qayıdırıq” adlı ədəbi-bədii kompozisiya nümayiş olunub. Masallı Xalq teatrının kollektivi və Masallı Dövlət Regional Kollecinin tələbələrindən ibarət teatr könüllülərinin tərəfdaşlığı ilə ərsəyə gətirilmiş tamaşanın nümayişində rəsmi şəxslər, aidiyyəti həmkarlar təşkilatının sədri, tamaşanın müəllifləri, mədəniyyət və təhsil işçiləri, tələbələr, eləcə də digər yerli ictimaiyyət nümayəndələri iştirak edib. Əvvəlcə, Xocalı soyqırımı qurbanlarının xatirəsi bir dəqiqəlik sükutla yad edilib, daha sonra Azərbaycan Respublikasının Dövlət Himni səsləndirilib. Tamaşadan öncə Lənkəran-Astara Regional Mədəniyyət İdarəsinin rəisi Bəxtiyar Qılıncov və Yeni Azərbaycan Partiyası Masallı rayon təşkilatının sədri Seyfəddin Əliyev Xocalı soyqırımının beynəlxalq müstəvidə tanıdılması, hadisələrə siyasi-hüquqi qiymətin verilməsi və faciə ilə bağlı tarixi həqiqətlərin gələcək nəsillərə çatdırılması istiqamətində dövlət səviyyəsində həyata keçirilən tədbirlər barədə çıxış ediblər. Rəsmi hissədən sonra yaradıcı heyət səhnəyə dəvət edilib. Tanınmış jurnalist və publisist Akif Ağayevin eyniadlı dram əsəri əsasında səhnəyə qoyulmuş tamaşada Xocalı faciəsi qurbanlarının ağrılı taleyi və mənəvi iztirabları həzin bədii çalarlarla ifadə olunub və soyqırımı həqiqətləri aktyorların təsirli səhnə ifaları vasitəsilə tamaşaçılara çatdırılıb. Eyni zamanda, tarixi hadisələr dramatik epizodlar və emosional monoloqlarla əks etdirilib. Cəlilabad Xalq teatrının rejissoru Ramil İbrahimov tərəfindən quruluş verilmiş ədəbi-bədii kompozisiya tamaşaçılar tərəfindən maraqla qarşılanıb.