Xəstələr Baş hemotoloqun dediklərini yalanladı скачать в хорошем качестве

Xəstələr Baş hemotoloqun dediklərini yalanladı

"15 yaşacan olan uşaqlar arasında ölümün əsas səbəblərindən biri qanın bədxassəli xəstəlikləridir". Bunu Elmi Tədqiqat Hematologiya və Transfuziologiya İnstitutunda keçirilən mətbuat konfransında baş hemotoloq Çingiz Əsədov deyib. Onun sözlərinə görə, dövlət proqramları nəticəsində bu xəstəlikdən əziyyət çəkənlərin xərcləri qarşılanır: "Bizdə talassemiya, hemofoliya proqramı var.Bu proqramlar uşaqların irsi qan xəstəliklərinin xərclərini tam ödəyir. Yəni heç bir dərmana, qan preparatlarına, heç nəyə xəstənin ailəsi ödəniş etmir. Bu, onların ailə durumuna təsir etmir. Bu, 100 faiz qarantiyadır. İndiyə qədər leykozlu xəstələr dövlət tərəfindən qarantiya verilən "169" adlı dərmanları alırdılar. Dövlət proqramına görə, dərmanlar alınandan sonra tender elan olunacaq, bütün leykozlu xəstələr lazım olan preparatları pulsuz alacaqlar". Baş hemotoloq Çingiz Əsədov bildirib ki, qan xəstəliklərinin erkən diaqnostikası üçün əhalini xəstəlikdən öncə müayinə etmək lazımdır: "Gördüyünüz kimi, il ərzində 150 min gənc müayinədən keçib, eyni zamanda onların qan analizi tam yerinə yetirilib. İnsanların çoxunda müəyyən dəyişikliklər aşkar olunub. Hemotoloji kabinetlərdə bu gənc insanlar - hansi ki, xəbərləri də yoxdur belə bir problemlə rastlaşa bilərlər - lazım olan həkimlərə yönlədiriliblər". Konfransda 2016-cı ildə leykozlu xəstələrin sayının 10-15 faiz artdığı açıqlanıb. Eyni zamanda talassemiyaya yoluxmuş xəstələrin statistikasından da danışılıb. "2015-ci ilin 7 ayı ərzində 84600 şəxs icbari tibbi müayinədən keçib. Onlardan 5534-də talassemiya daşıyıcılığı aşkarlanıb. Bu şəxslərdən 48-də cütlüyün hər ikisində talassemiya daşıyıcılığı aşkarlanıb. 2016-cı ildə isə 145694 şəxs icbari tibbi müayinədən keçib. Onlardan 4649-da talassemiya daşıyıcılığı və 42 cütlükdə talassemiya daşıyıcılığı aşkarlanıb". Elmi-Tədqiqat Hematologiya və Transfuziologiya İnstitutunda müalicə alan leykozlu uşaqların valideynləri isə bütün dərmanları öz hesablarına aldıqlarını deyirlər. "Bir dəfə olub ki, bizə pulsuz dərman veriblər, qalan hamısını özümüz almışıq. Bütün xəstələr pulla alır, təkcə biz deyilik. Burada illərlə yatanlar var. Elə olur ki, imkansızlıq ucbatından müalicəsini saxlayırlar, çünki edə bilmirlər" - Gülcüyə Əzimova deyir. Sevinc İmrahimovanın da qızı leykoz xəstəsidir. O ilyarımdır dərmanları öz hesabına aldığını söyləyir: "Təxminən ilyarımdır ki, hamısını özümüz pulla alırıq. Bizim həkim dərman yazıb, amma onu almağa imkan yoxdur, otuz neçə manatdır. Sümük dərmanları yazırlar, birinin qiyməti 20 manata yaxındır. Bunların hamısı bağırsaqlara, ürəyə ziyanlıdır. Qaraciyərə, mədəaltı vəzə - hamısına müalicə lazımdır. USM-ə aparırsan, rentgenə çıxarırsan, hamısı puldur". 2017-2021-ci illər üçün qanın bədxassəli xəstəlikləri ilə mübarizə üzrə Tədbirlər Proqramında 2500-dən artıq xəstə, o cümlədən 300 uşaq qanın bədxassəli xəstəliyi diaqnozu ilə qeydiyyatdadır. 2017-ci ilin dövlət büdcəsindən hemofiliya və talassemiya irsi qan xəstəliklərinin müalicəsinə 18,5 milyon ayrılıb. Kanala abunə ol - https://goo.gl/TcM9Fm WebSite: http://www.meydan.tv Facebook: http://fb.com/MeydanTelevision Twitter:   / meydantv   Google+ https://plus.google.com/+MeydanTelevi... İnstagram:   / meydantv   __ Xəbərdən çox xəbər var. #çəkgöndər yayımlayaq #whatsapp : +49 176 16263646