Buxoroda dastlabki jigar transplantasiyasi muvaffaqiyatli o'tkazildi скачать в хорошем качестве

Buxoroda dastlabki jigar transplantasiyasi muvaffaqiyatli o'tkazildi

Tibbiyotni xalqqa yanada yaqinlashtirish borasida amalga oshirilayotgan izchil sa'y-harakatlar bugun o'z samarasini bermoqda. Ilg'or tashxislash va davolash usullari hamda murakkab jarrohlik amaliyotlari hududlarda keng yo'lga qo'yilayotgani ham buni tasdiqlab turibdi. Yangi yilning dastlabki kunlarida Buxoro viloyati tibbiyoti tarixida muhim voqea qayd etildi. ...Olot tumanilik Vohidjon Nazarov bir necha yillardan buyon jigar tsirrozidan aziyat chekib kelayotgandi. Nima qilish va qaerga borishni bilmay turganida Respublika shoshilinch tibbiy yordam ilmiy markazining Buxoro viloyati filiali rahbariyati taklifi unga umid bag'ishladi. Gap shundaki, mazkur murakkab amaliyot filialning o'zida bajariladigan bo'ldi. Unga turmush o'rtog'i donor sifatida tanlandi. Operasiya qariyb 10 soat davom etdi. Amaliyot Milliy tibbiyot markazi transplantologi Jasur Sobirov hamda xorijlik shifokor somon Nekihboliyon tomonidan buxorolik jarrohlar ishtirokida bajarildi. Hozirgi paytda bemor va donorning ahvoli qoniqarli. Ular malakali mutaxassislar nazoratida zarur muolajalarni davom ettirmoqda. Sog'liqni saqlash vazirligi Matbuot xizmati.