Şəhid Elçin Mahmudovun ad günü qeyd olundu - Ağdam Şəhidlər xiyabanı скачать в хорошем качестве

Şəhid Elçin Mahmudovun ad günü qeyd olundu - Ağdam Şəhidlər xiyabanı

Ağdamda Vətən müharibəsi şəhidi Mahmudov Elçin Cəmil oğlunun doğum günü onun Quzanlı qəsəbəsindəki şəhidlər xiyabanındakı qəbrüstü abidəsi önündə qeyd edildi. Şəhidin ailə üzvlərinin , silahdaşlarının, Ağdam rayon İcra Hakimiyyəti əməkdaşlarının, şəhid ailələrinin, qazilərin, müharibə iştirakçılarının iştirak etdiyi tədbirdə ilk olaraq şəhidin məzarı ziyarət edildi . Tədbirdə Azərbaycan Respublikasının Prezidenti Cənab İlham Əliyevin müvafiq fərmanının icrası çərçivəsində yeni yaradılmış -" Vətən müharibəsi iştirakçıları və şəhid ailələri ilə işin təşkili" şöbəsinin müdiri vəzifəsinə təyin olunan Vətən müharibəsinin iştirakçısı, Ağdam və Ağdərə rayonları istiqamətində gedən döyüşlərdə iştirak etmiş, ehtiyyatda olan polkovnik-leytenant Hüseynov Xaliq Araz oğlu da iştirak edirdi . Mərasim iştirakçıları şəhidimizin məzarı önünə gül dəstələri düzərək abidə önündə sayğı duruşuna dayanıblar. Şəhid Mahmudov Elçin Vətən müharibəsi zamanı öz döyüş tapşırıqlarını yerinə yetirən zaman - 02 oktyabr 2020-ci ildə Füzuli rayonunun azadlığı uğrunda gedən döyüşlərdə qəhrəmancasına şəhid olmuşdur. — "Vətən uğrunda" medalı (ölümündən sonra) ilə təltif edilib. Vətən sağ olsun ! Elçin Cəmil oğlu Mahmudov 1998-ci il 7-i iyunda dünyaya gəlib. Ağdam rayon Kəngərli kənd sakini olan şəhidimizin valideynləri, o körpə olduğu vaxt ayrılıb. Ayrılan valideynlərindən atası 2015-ci ildə, anası isə 2017-ci ildə bu həyatdan köçüb. Hər iki valideynini itirən Elçin Hərbi xidmətini başa vurduqdan sona öz dayısı qızı ilə ailə qurub. Bir oğlu dünyaya gəldikdən sonra, yenidən müddətdən artıq hərbi xidmətə başlayıb. BMP –də atıcı olan Elçin Mahmudov Vətən müharibəsi başlayanda Füzuli istiqamətində döyüşlərə qoşulub. Sentyabrın 30 da ailəsinə şəhid xəbəri çatıb. Füzuli uğrunda gedən döyüşlərdə şəhid olan Mahmudov Elçin Cəmil oğlunun ölümündən 101 gün sonra oğlu dünyaya gəlib. İkinci oğul övladının adını isə sağ ikən arzuladığı Ümid adı qoyulub. Ağdam Mərkəzi rayon Xəstəxanasında dünyaya gələn körpəni Rayon rəsmiləri, rayon sakinləri və xəstəxananın həkim və tibb işçiləri alqışlarla evinə yola salıb.