Бейнеттің зейнетін көре алмай жүрген астаналық көше тазалаушылар бас көтерді скачать в хорошем качестве

Бейнеттің зейнетін көре алмай жүрген астаналық көше тазалаушылар бас көтерді

Елорда көшелерін ертең қар көміп, қоқыс басып қалса таңғалмаңыз. Себебі қаланы тазалайтын жандардың өздері тіршілік тауқыметін тартып жүр. Таңғы үште тұрып, кешке дейін Астананың көркі үшін күрек сілтегендердің өзінде демалыс, қорғаныс, тіпті әлеуметтік кепілдік жоқ. Айтуларынша жалақы мардымсыз, оның өзі кешіктіріліп беріледі екен. Әріптесім Серік Дәрменұлы жұмысшылардың жанайқайын тыңдап қайтты. СЕРІК ДӘРМЕНҰЛЫ, тілші: Нұра ауданы әкімдігінің алдында жиналып тұрған бұл адамдар Астананы таза ұстап жүрген жұмысшылар. Бірақ бүгін олар қолдарына күрек пен сыпырғыш емес, арыздарын арқалап келді. Айтуларынша бірнеше айдан бері жалақы кешігеді. Ал, әлеуметтік пакет мүлдем қарастырылмаған. Астананың жылтыраған көшесінің артында осы азаматтардың маңдай тері тұр. Көптің арасында жалғызбасты ана да көп. Кейбірі таңғы сағат 3-те ұйқыдан тұрып, кешкі жетіге дейін тік тұрып жұмыс істейді. Тіпті 100 шақырым жердегі ауылдан қатынап жүргендер де жетерлік. ЖҰПАРХАН ӨЗГЕРІС, жұмысшы: Жаздан бері жалақымызды дұрыс бермейді жеке меншікте. Қыста 40 градус аязда жұмыс істейміз. Жалақымыз аз. Ал басқа «гостағылар» жақсы алады. Жалақылары жақсы, премиясы жақсы. Бізде ондай жоқ. Зейнетақы жүрмейді. Больничный жоқ. Жұмысшылардың айтуынша, «Астана Тазалық» міндеттемелерін бірнеше компанияларға бөліп берген. Сөйтіп, тазалық қызметкерлерінің 60 пайызын сол мердігерлерге жіберген. Бірақ айырмашылық жер мен көктей. Себебі негізгі мекемеде аула сыпырушыларының жағдайы толық жасалған деп отыр. Ал жеке компанияға өткен жұмысшылардың кейбірі жеке кәсіпкер ретінде тіркелуге мәжбүр болған екен. Жалақыны да сол жеке кәсіпкерлік арқылы алады. Бірақ барлық салық пен аударымды өздері төлеуі керек. ДИДАР ИБРАИОВ, жүргізуші: ИП ашып машинамен жүреміз. Еще олардың жалақысын өздері емес, олар біздің ИП арқылы өткізеді. Маған ашық жұмыс істеу керек. Мыналардың жалақыларын көрсетуім керек. Ол үшін мен төлеуім керек пенсионный отчисления, соц отчисления ОСМС бәрін. Солардың жалақыларынан ұстайын ба? Не істесең соны істей бер дейді. Ал енді сондағы алатындары 170 мың теңге. Ал мердігер компания өкілдері камерадан қашып, сұхбат беруден бас тартты. «Астана тазалық» мекемесі болса, мердігер компания келісімшарт аясында қызметін толық атқарып келеді деп ақталды. АЛЬБЕРТ ЕСЕЛИЕВ, «АСТАНА ТАЗАЛЫҚ» ЖШС бас директорының орынбасары: Келісімшарт бойынша білесіздер ғой госзакуп дегенді естуіңіз бар ғой. Сол бойынша бір жылға келісімшарт жасалды сол мердігерлердің жұмысшыларының жаңағы мердігер басшыларына бір талаптары деген сияқты. Осындай мәселелер болып жатыр. Біз тек мердігерден талап етеміз тек қана ар жағында біз оның жұмысына араласа алмаймыз болды. Қаланы күнде тазалайтындардың мәселесі әлі де шешілмей тұр. Олардың сұрағаны көп емес, тек жалақы кешіктірмей, әлеуметтік төлем жасалса дейді. Ал, жауаптылар екі апта ішінде бұл проблеманы шешеміз деп отыр. #Информбюро #31арна #БастыЖаңалықтар #Новости #31канал