المغرب يمر من صناعة السيارات إلى صناعة الشاحنات الضخمة ستزود كل المدن ثم تصدر نحو إفريقيا و العالم скачать в хорошем качестве

المغرب يمر من صناعة السيارات إلى صناعة الشاحنات الضخمة ستزود كل المدن ثم تصدر نحو إفريقيا و العالم

لبارح تفاجأنا جميع بخبر إنتاج أول شاحنة كيتم تصنيعها محليا فالمغرب و هاد الجملة خليك عاقل عليها مزيان حيت غنصدمك بمعلومة فآخر الفيديو المهم خبر خبر تصنيع هاد الشاحنة كان مفاجئ حيت أغلبيتنا مكناش عارفين باللي كاين مصنع فالمغرب بدأ عملية تصنيع شاحنات من الحجم الكبير الشاحنة اللي كنتكلمو عليها هي شاحنات شاكمان 6000 الصينية و تم تصنيعها بشراكة مع مجموعة بروميوم المغربية ، بنسبة إدماج محلية واصلة ل 40% , بمعنى أن هاد الشاحنة ، مكتصنعش كاملة فالمغرب، 60% من أجزائها كيتم تصنيعها فعدة مصانع و كيتم نقل هاد الأجزاء للمغرب فين كيتم التصنيع النهائي لهاد الشاحنات حسب المعلومات المعلنة شاكمان 6000 هي شاحنة خصصة لنقل السلع و البضائع ، من جميع الأنواع، يعني حتى لحدود و مواد البناء و غيروه ، إقتصادية فاستهلاك الوقود بمقدورها تقطع 800 كيلومتر بخزان واحد ، و عندها محرك قوي كيخليها توصل لسرعة قصوى 120 كيلومتر ، أما الحمولة القصوى ديالها فكتجاوز 70 طن و على ما يبدو من المعلومات فهاد الطراز تم إنتاجو حصريا غي فالمغرب ، و قالك أسيدي اعتمدو فيه شروط الجودة اللي معروفة بيها صناعة السيارات فالمغرب ، ولكن حنا مغنتيقوش الهضرة على جودة و صلابة الشاحنة غي حيت قالوها، لا مشينا كنقلبو على نماذج شاحنة شاكمان اللي كيتم تصنيعها فمناطق أخرى ، و من بينها السعودية ، الصراحة سمعتها مزيانة و التعليقات عليها من السعوديين ممتازة ، خصوصا مع اشتغالها فعدة مناطق و ظروف و كتصبر بزاف. لهادشي فاعتقادي اللي تقال فحق هاد الشاحنة هو حاجة واعرة . لحد الآن مكاين حتى معلومة على عدد الشاحنات المنتجة ، و الطاقة الإنتاجية فالسنة شحال غتكون ، كل ما كنعرفوه أن الشاحنة الجرارة شاكمان 6000 , غيكون إنتاجها الحالي فبدايتو موجه للسوق المحلية فالمغرب، مع هدف تصديرها لدول أخرى خارج المغرب ، فحالة ما نجحات هاد الشاحنة و نسبة إدماجها المحلية ارتافعت من 40 % ل 50 % او 60% ، هنا كاين بزاف اللي غيقلل من أهمية تصنيع شاحنات شاكمان بما أنهم متوجهين للسوق المحلية و نسبة إدماجهم ياله 40% ولكن متنساوش بدايات سيارات بيجو و رونو سيتروين كيفاش بدات مصانعهم فبلادنا ، و كيفاش ولينا قادرين نصنعو 750 الف سيارة منهم سنويا و بنسبة تصنيع محلي قريبة توصل ل 70%