ធាតុពិតរបស់ «អៀង សារី»ប្រមូលអ្នកចេះដឹងខ្មែរយកទៅសម្លាប់ចោល скачать в хорошем качестве

ធាតុពិតរបស់ «អៀង សារី»ប្រមូលអ្នកចេះដឹងខ្មែរយកទៅសម្លាប់ចោល

-នៅខែសីហា ឆ្នាំ១៩៩៦ អៀង សារី គឺជាមេដឹកនាំជាន់ខ្ពស់ខែ្មរក្រហមដំបូងគេ ដែលបានចាកចេញពីចលនាខែ្មរក្រហមជាមួយនឹងអ្នកក្រោមបង្គាប់ និងកងកម្លាំងយោធាខែ្មរក្រហមរាប់ពាន់នាក់ មកចុះចូលជាមួយរដ្ឋាភិបាលកម្ពុជា។ អំឡុងពេលផ្តាច់ខ្លួនចេញពីក្រុមឧទ្ទាមខ្មែរក្រហម ហើយចុះចូលជាមួយរដ្ឋាភិបាល អៀង សារី បានចេញសេចក្តីថ្លែងការណ៍មួយ ចោទប្រកាន់ សាឡុត ស ហៅ ប៉ុល ពត ដែលត្រូវជាបងថ្លៃ និងធ្លាប់ជាមិត្តភ័ក្តិចិត្តមួយថ្លើមមួយរបស់ខ្លួននោះ ថាជាមនុស្សផ្តាច់ការ។ អៀង សារី បានលើកឡើងទៀតថា ក្នុងរយៈពេលដែលខ្មែរក្រហមកាន់អំណាច ប៉ុល ពត គឺជាអ្នកសម្រេចរាល់កិច្ចការអ្វីៗទាំងអស់ រួមទាំងការជម្លៀសប្រជាជនចេញពីទីក្រុង ការកាប់សម្លាប់បញ្ញវន្តខ្មែរ ដោយចោទថាជាភ្នាក់ងារចារកិច្ចបរទេស និងការកម្ចាត់ បោសសម្អាតបក្សកុម្មុយនិស្តកម្ពុជា។ លើសពីនេះ អៀង សារី បានបញ្ជាក់ទៀតថា ដោយមកពីមើលឃើញការដឹកនាំបែបផ្តាច់ការរបស់ ប៉ុល ពត នេះហើយ ទើបគាត់សម្រេចចិត្តផ្តាច់ខ្លួនចុះចូលជាមួយរដ្ឋាភិបាលកម្ពុជា។ ក៏ប៉ុន្តែ មានសំណួរមួយគួរឱ្យឆ្ងល់ថាៈ បើ ប៉ុល ពត គឺជាមនុស្សតែម្នាក់ដែលដឹកនាំបែបផ្តាច់ការ សម្លាប់មនុស្ស ក្នុងចន្លោះឆ្នាំ១៩៧៥ ដល់ឆ្នាំ១៩៧៩ ហើយ អៀង សារី ជាអ្នកប្រឆាំងនឹងការសម្លាប់មនុស្សពិតមែន ហេតុអ្វីបានជាក្រោយពីរបបកម្ពុជាប្រជាធិបតេយ្យដួលរលំ នៅឆ្នាំ១៩៧៩ អៀង សារី នៅតែបន្តធ្វើជាមេដឹកនាំខ្មែរក្រហមតទៅទៀត? ហេតុអ្វីបានជាត្រូវរង់ចាំរហូតដល់ទៅជិត២០ឆ្នាំ ទើប អៀង សារី ចេញមុខមកថ្កោលទោស ប៉ុល ពត បែបនេះ? ការពិត ការទម្លាក់កំហុសដាក់គ្នាទៅវិញទៅមក ជាពិសេស ទៅលើ ប៉ុល ពត ដែលបានស្លាប់បាត់ទៅហើយនោះ គឺជាទម្លាប់អាក្រក់ របស់មេដឹកនាំជាន់ខ្ពស់ខ្មែរក្រហមដែលនៅរស់រានមានជីវិត ហើយដែលត្រូវប្រឈមមុខនឹងការកាត់ទោសពីសំណាក់តុលាការខ្មែរក្រហម។ -ការចូលទស្សនារបស់បងប្អូន គឺជាកិត្តិយសរបស់ខ្ញុំបាទ ដែលជាអ្នកផលិត! ការពិតទៅ ខ្ញុំបាទមិនមែនជាអ្នកពូកែខាងប្រវត្តិសាស្រ្ដនោះទេ​ តែដោយចូលចិត្តប្រវត្តិសាស្រ្ដ ក៏ច្នៃអត្ថបទផ្សេងៗ ដែលខ្ញុំរកបានតាមរយៈ សៀវភៅ ឬក៏ពី Internet របស់អ្នកនិពន្ធជាន់ដើម ឬជាន់នេះ មកផលិតជាវីដេអូនេះឡើង។ ដូច្នេះខ្ញុំសូមគោរពរាល់ស្នាដៃរបស់អ្នកនិពន្ធទាំងអស់ដែលបានចែករំលែក ដែលធ្វើឲ្យខ្ញុំមានលទ្ធភាព អាចផលិតវីដេអូនេះបាន។ -ខ្ញុំបាទសូមគោរពជូនពរបងប្អូនជនរួមជាតិ សូម សមប្រកប ជួបប្រទះ តែសេចក្ដីសុខ សុភមង្គលពេញមួយជីវិត។ សូមអរព្រះគុណនិងអរគុណ! ***កំណត់សម្គាល់: រាល់ការបញ្ចេញមតិទៅលើខ្លឹមសារនៃវីដេអូនេះ គឺជាទំនួសខុសត្រូវរបស់អ្នកបញ្ចេញមតិផ្ទាល់។ ដូច្នេះ សូមមិត្តអ្នកគាំទ្រគ្រប់ផ្នែក ធ្វើការបញ្ចេញមតិប្រកបដោយសីលធម៌ ក្នុងន័យស្ថាបនា។ ការបញ្ចេញមតិបែបជេរប្រមាថ អុជអាល នាំដល់ការយល់ច្រឡំ ឬ ការរើសអើងជាតិសាសន៍ សាសនា ឬក៏បុគ្គលណាមួយ នាំឱ្យបាត់បង់ភាពថ្លៃថ្នូរជាមនុស្ស មិនមែនជាគោលបំណងរបស់ខ្ញុំបាទឡើយ។ ខ្លឹមសារអប់រំនៃវីដេអូនេះ ជាគោលបំណងរបស់យើងខ្ញុំ! សូមអរគុណ! #ប្រវត្តិអៀងសារី #អៀងសារី #IengSary