སེར་བྱེས་མཁན་ཟུར་རིན་པོ་ཆེ་རྗེ་བཙུན་དགེ་འདུན་ཆོས་འཕེལ་དཔལ་བཟང་པོ་མཆོག скачать в хорошем качестве

སེར་བྱེས་མཁན་ཟུར་རིན་པོ་ཆེ་རྗེ་བཙུན་དགེ་འདུན་ཆོས་འཕེལ་དཔལ་བཟང་པོ་མཆོག

སེར་བྱེས་མཁན་རབས་དོན་ལྔ་པ་དགེ་འདུན་ཆོས་འཕེལ་མཆོག་ནི་ཕྱི་ལོ་༡༩༤༡ ལོར་བོད་དཀར་མཛེས་སུ་སྐུ་འཁྲུངས། ཕྱི་ལོ་༡༩༤༨ལོར་དཀར་མཛེས་དགོན་དུ་སྒྲིག་ཞུགས་གནང་། དགུང་གྲངས་དགུ་པར་འཁྲུངས་གསར་སྐུ་ཕྲེང་ལྔ་པ་བློ་བཟང་དཔལ་ལྡན་ངག་གི་དབང་ཕྱུག་ལས་དགེ་ཚུལ་གྱི་སྡོམ་པ་བླངས། ཕྱི་ལོ་༡༩༥༥ལོར་སེར་བྱེས་མཁས་སྙན་གྲྭ་ཚང་དུ་སྒྲིག་ཞུགས་ཀྱིས་སེར་བྱེས་མཁན་རབས་རེ་དྲུག་པ་རྗེ་བློ་བཟང་དབང་ཕྱུག་མཆོག་དང། རྗེ་བྱམས་པ་བསྟན་བཟང་གཉིས་དགེ་རྒན་དུ་བསྟེན་ཏེ་གཞུང་ཆེན་ལ་སློབ་གཉེར་གནང་། གཞུང་རྙིང་འཛིན་གྲྭའི་སྐབས་སྦྱོར་ལམ་སྔ་རྒོལ་གྱི་རིགས་ཆུང་ཚོགས་ལངས་གནང། ཕྱི་ལོ་༡༩༥༩དུས་འགྱུར་སྐབས་ཁག་ཐེག་རྒན་དགེ་བཤེས་བསྟན་པ་ཉི་མའི་དབུས་དགེ་སློབ་བཅུ་ཕྲག་གཉིས་ལྷག་དང་ལྷན་དུ་སེར་���ྱེས་མཁན་���ུར་རིན་པོ་ཆེ་རྗེ་བློ་བཟང་དབང་ཕྱུག་མཆོག་གི་ཞབས་ཕྱི་ལ་བཅར་ནས་རྒྱ་གར་འཕགས་པའི་ཡུལ་དུ་ཕེབས་ཏེ་སྦག་ས་ཆོས་སྒར་དུ་གཞུང་ཆེན་སློབ་གཉེར་གྱི་འཕྲོ་བསྐྱངས། ཕྱི་ལོ་༡༩༦༠ལོར་ཡོངས་འཛིན་ཁྲི་བྱང་རིན་པོ་ཆེ་ལས་བསྙེན་པར་རྫོགས། མཁན་ཟུར་རིན་པོ་ཆེ་རྗེ་བློ་བཟང་དབང་ཕྱུག་དཔལ་བཟང་པོ་མཆོག་གི་བཀའ་དགོངས་བཞིན་ཟླ་བ་གསུམ་གྱི་རིང་རྗེའི་དྲང་ངེས་ལེགས་བཤད་སྙིང་པོ་ཐུགས་འཛིན་གནང་སྟེ་ཚར་ཉིས་བརྒྱར་བརྒལ་བ་སྐྱོར་སྦྱང་གནང་། རྒན་རྟ་དབྱངས་རྒྱལ་མཚན་ལས་ཀྱང་རྗེ་བཙུན་པའི་ཕར་ཕྱིན་སྤྱི་དོན་སོགས་ཀྱི་དཔེ་ཁྲིད་ཞུ་བ་དང་སེར་བྱེས་མཁན་ཟུར་རིན་པོ་ཆེ་རྗེ་བཙུན་བྱམས་པ་ཐེག་མཆོག་ལས་སུམ་རྟགས་ལ་སྦྱང་བརྩོན་གནང་། ཕྱི་ལོ་༡༩༦༩ལོར་སྐབས་དེའི་བྱེས་ཕེབས་ཀྱི་སེ་རའི་དགེ་འདུན་པ་རྣམས་དང་ལྷན་དུ་རྒྱ་གར་ལྷོ་ཕྱོགས་ས��ེལ་ཀོབ་���་གནས་སུ་གནས་སྤར་བ་དང་དེ་གར་མུ་མཐུད་དེ་སྔར་གྱི་གཞུང་ཆེན་སློབ་གཉེར་གྱི་འཕྲོ་བསྐྱངས་ཤིང་། མཁན་ཟུར་རིན་པོ་ཆེའི་རྗེ་བློ་བཟང་དབང་ཕྱུག་མཆོག་གི་མདུན་ནས་སྔགས་ཀྱི་ས་ལམ་དང། རིམ་ལྔ་གསལ་སྒྲོན། དྲང་ངེས་ལེགས་བཤད་སྙིང་པོ་སོགས་ཀྱི་བཀའ་ཁྲིད་དང། རྟ་མགྲིན་ཡང་གསང་གི་བཀའ་དབང་རྣམས་ཞུས། ཕྱི་ལོ་༡༩༧༨ནས་མཁན་ཟུར་རིན་པོ་ཆེ་རྗེ་བློ་བཟང་དབང་ཕྱུག་མཆོག་གི་བཀའ་དགོངས་བཞིན་གསར་བུ་རྣམས་ལ་བསྡུས་གྲྭ་ནས་བཟུང་སྟེ་རིམ་གྱིས་ཕར་ཚད་དང་དབུ་མ། འདུལ་མཛོད་བཅས་གཞུང་ཆེན་ཁག་གི་དཔེ་ཁྲིད་གནང་། ཕྱི་ལོ་༡༩༨༢ལོ་ནས་དགེ་ལྡན་གཙུག་ལག་སློབ་གཉེར་ཁང་ཆེན་མོའི་རྒྱུགས་སྤྲོད་ལ་ལོ་ཤས་ཕེབས། བཀའ་རམས་དང་སློབ་དཔོན་གྱི་ཨང་རིམ་དང་པོ་བཞེས། ༡༩༩༠་ལོར་དགེ་བཤེས་ཀྱི་དམ་འཇོག་མཛད། སྐྱབས་རྗེ་ཆོས་ལྡན་རིན་པོ་ཆེ་ལས་སྔགས་རིམ་ཆེན་མོ་���ང་རིམ་ལྔ་གསལ་སྒྲོན། སྙན་ངག་མེ་ལོང་མ་སོགས་ཀྱི་དཔེ་ཁྲིད་ཀྱང་ཞུས། ཕྱི་ལོ་༡༩༩༠ལོར་གྲྭ་ཚང་རིན་པོ་ཆེ་ནས་ཕྱག་རྟགས་སྩལ་བ་བཞིན་མཆོག་སྤྲུལ་བསྟན་འཛིན་འོད་གསལ་རིན་པོ་ཆེའི་ཡོངས་འཛིན་གནང་། ཕྱི་ལོ་༡༩༩༣ ལོར་སེར་བྱེས་གཙུག་ལག་སློབ་གཉེར་ཁང་ཆེན་མོའི་སློབ་གཉེར་དགེ་རྒན་གནང། ༡༠༡༦ ལོ་སྟེ་ད་ལོའི་ཕྱི་ཟླ་ ༧ ཚེས་ ༡༨ ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་སེར་བྱེས་མཁན་རིན་པོ་ཆེའི་ཕྱག་རྟགས་སྩལ་བ་ལྟར། སེར་བྱེས་མཁས་སྙན་གྲྭ་ཚང་གི་མཁན་རབས་དོན་ལྔ་པ་རྗེ་བློ་བཟང་བདེ་ལེགས་མཆོག་གི་མཁན་པོའི་ལས་ཡུན་འཁྱོལ་བ་དང་། ཁོང་སེར་བྱེས་གྲྭ་ཚང་གི་མཁན་པོར་བསྐོ་བཞག་གནང་སྟེ་ཁྲི་འདོན་མཛད་ཡོད་པ་རེད། ཡིན་ན་ཡང་ཕྱི་ཟླ་བདུན་པའི་ཚེས་༣༡ཉིན་གྱི་ཞོགས་པའི་ཆུ་ཚོད་ ༩།༠༥ ཙམ་གྱི་སྟེང་རྒྱ་གར་ལྷོ་ཕྱོགས་མེ་སོར་གྲོང་ཁྱེར་ཝིག་རམ་སྨན་ཁང་(Vikram Hospital)དུ་སྐུ་གཤེགས་ཡོད་པ་རེད།[སེར་བྱེས་ངོ་སྤྲོད་གཏེར་གྱི་ཁ་བྱང་དང་། སེར་བྱེས་ཆོས་འབྱུང་རྟ་བདུན་བདག་པོའི་འོད་ཟེར་གཉིས་ཀྱི་མཁན་གྲངས་བཀོད་སྟངས་མི་མཐུན་པར་འདུག་ན། ང་ཚོས་སྔ་མ་ལྟར་བཀོད་ཡོད།] ༢༠༡༦.༠༧.༡༨ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས། དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས། His Eminence Jetsun Gedun Choephel, 75th abbot of Sera Jey Monastery, was born in 1941 at at his native Kartze province in Eastern Tibet and was initiated at the age of 8 in his native Kartze monastery. He joined Sera Jey Monastery – Tibet in 1955. In 1969 left Tibet for India and was among the foremost member monks to re-establish the monastery at exile in South India. He has received the highest monastic scholastic award of Lharam Geshe – Doctorate in Buddhist Philosophy, and has dedicated his entire life to teachings at the monastery. He was enthroned the 75th abbot of Sera Jey Monastery on 18th July 2016