መልክአ ውዳሴ ዘቀዳሚት በግዕዝ ዜማ በመልአከ ሕይወት ፍሥሐ ድንበሩ скачать в хорошем качестве

መልክአ ውዳሴ ዘቀዳሚት በግዕዝ ዜማ በመልአከ ሕይወት ፍሥሐ ድንበሩ

#amen_tube_አሜን_ቲዩብ#መልክአ_ውዳሴ_ዘቀዳሚት#_በግዕዝ_ዜማ መልክአ ውዳሴ ዘቀዳሚት በግዕዝ ዜማ ንጽሕት ወብርህት እምነ ፀሐይ ዘትጸድሊ፤ ወምኑኃ ሰማይ ዘትትሌዓሊ፤ ማርያም ወለቱ ለዳዊት ዓርከ በርዜሊ፤ ኦ እግዘትየ ሶበ ኀቤኪ እጼሊ፤ በክሂሎትኪ ኪያየ አክህሊ። ናስተበፅዕ ዕበየኪ ማርያም ወትረ፤ ወንፌኑ ለኪ ፍሥሓ ምስለ ገብርኤል ኅቡረ፤ በዝ ዓለም ወበዘይመጽእ ድኅረ፤ ውስተ መቅደስኪ እፈቱ ኃዲረ፤ ወኢትኅብዕኒ ዘይሤኒ ምክረ። ከመ ከብካብ ንጹሕ ዘአልቦ ጥልቀት ውስቴቱ፤ ያስተፌሥሓኒ ጥቀ ማርያም ዜና ተአምርኪ ለዕለቱ፤ እምሀብተ በረከት ኵሉ እንተ በላዕሉ ወታሕቱ፤ ለማኅፀንኪ እግዝእትየ በረክቶ እፈቱ፤ እግዚአብሔር ዘተፀውረ ቦቱ። አንቲ ውእቱ ለዳዊት ዘመዱ፤ ዘእምኔሁ ሕዝብኪ ወአበውኪ ተወልዱ፤ ማርያም ድንግል ለልዑል እመ ዋሕዱ፤ ለውዳሴኪ እግዘትየ ኢይትዌሰን መፍቀዱ፤ እስመ እምወሰን ወሰነ የዓዱ። ኮንኪ ዲበ ምድር ዳግሚተ ሰማየ፤ እንተ አሥረቂ ፀሐየ፤ ማርያም ድንግል እመ እግዚእየ፤ በቅድስናኪ ቀድሲ ነፍስየ፤ ወበተስፋኪ አኅድሪ ነፍስየ ወሥጋየ። አንቲ ውእቱ ደብተራ ክርስቶስ ብርሃን፤ ዘሰመዩኪ አበው ቅድስተ ቅዱሳን፤ ማርያም ድንግል በዓልተ ዛቲ መካን፤ ለብሔረ ንግሥኪ ከመ ብሔረ ነገሥት ባዕዳን፤ ኢይዌስንዎ ቤርሳቤሕ ወዳን። ተሰመይኪ እመ ክርስቶስ ፈታኔ አልባብ ወሕሊና፤ ድኅረ ወልድኪ ኪያሁ ነበርኪ በድንግልና፤ ማርያም ድንግል ወለተ ኢያቄም ወሐና፤ ዲበ እንግድዓየ አክብዲ ልቡና፤ ወበሕሊናየ ሰአሊ ትሕትና። አንቲ ውእቱ ሰዋስወ ወርቅ ቀዲሙ፤ እስራኤል ያዕቆብ ዘነጸረኪ በሕልሙ፤ ማርያም ሞገሰ ፍጹማን ኵሎሙ፤ ለወድሶትኪ ሐወዘኒ ጣዕሙ፤ ከመ ኤልሳቤጥ ለዮሐንስ እሙ። ናሁ እግዚእ ዘእምኔኪ ወጽአ፤ በኊልቆ ዕለታት ሰብዑ እንዘ እዌድሰኪ ስብዐ፤ ማርያም ድንግል ማርያም ወለተ መርዓ፤ አጽድቂ እሙ ኪያየ ኃጥአ፤ ወናዝዚ ኃዘንየ እንተ ውስጥ ወአፍአ። ተፈሥሒ ተፈሥሒ ምልእተ ጸጋ ማርያም፤ ልሕኵት ንጽሕት ክብረ ኵሉ ዓለም፤ በኊልቈ ዕለታት ስብዑ አርአያ ለብሐዊ ዘቅድም፤ አቅረብኩ ለኪ ተጋንዮ በልሳንየ ድኩም፤ ማርያም እግዝእትየ ተወከፊ ዮም።