66-raqamli shahar avtobusining yoʻnalish chizmasi oʻzgardi скачать в хорошем качестве

66-raqamli shahar avtobusining yoʻnalish chizmasi oʻzgardi

“SamDAQU - Badal mahallasi” yo‘nalishi ochildi Hurmatli samarqandliklar va shahrimiz mehmonlari! Samarqand shahrining yangi transport Bosh rejasiga asosan bugungi kunga qadar yo‘lovchilarga xizmat qilib kelayotgan 66-raqamli “Uzoq lager - Ipak yo‘li bozori” shahar avtobus yo‘nalishi harakat chizmasi o‘zgardi. Endilikda ushbu yo‘nalish “Simetra” xorijiy korxonasi master rejasi asosida Samarqand Davlat arxitektura-qurilish universitetini Badal mahallasi bilan bog‘laydi. Yo‘nalish SamDAQU bosh binosi, ya’ni Habib Abdullayev nomli ko‘chadan boshlanib, Behzod, Bobur Mirzo, usta Quli Jalolov, Gagarin, Amir Temur (ushbu ko‘chada ta’mirlash ishlari olib borilayotganligi sababli vaqtincha Gagarin, Mirzo Ulug‘bek ko‘chalari orqali), Bo’stonsaroy, Ro‘dakiy, Shohi Zinda, usta Umar Jo‘raqulov, Samarqand darvoza ko‘chasi, Pulimug‘ob mahallasi orqali Badal mahallasi Mo‘jizakor ko‘chasida harakatni yakunlaydi. Yo‘nalish masofasi 19.8 km. Yo‘nalishda “Maroqand trans 777” MCHJ tomonidan olib kelingan “Asia Star” rusumli 10 ta avtobus 12 daqiqalik interval asosida harakatlanadi. Avtobuslarda elektron to‘lov tizimi mavjud. Samarqand viloyati transport boshqarmasi Axborot xizmati