០៣. នាមសព្ទ មានលិង្គផ្សេងគ្នាលិង្គនៃនាមសព្ទ វចន វិភត្តិ скачать в хорошем качестве

០៣. នាមសព្ទ មានលិង្គផ្សេងគ្នាលិង្គនៃនាមសព្ទ វចន វិភត្តិ

នាមសព្ទ មានលិង្គផ្សេងគ្នា នាមនាម គុណនាម សព្វនាម តែងមានលិង្គជាគ្រឿងសម្គាល់ អ្នកសិក្សាគប្បីកំណត់ដឹងដូច្នេះ៖ ១.នាមនាម ក្នុងរូបសព្ទមួយ ប្រព្រឹត្តទៅបានតែលិង្គ១ ហៅថា ឯកលិង្គិក,ប្រើបានលិង្គ២ ហៅថា ទ្វិលិង្គិក ក៏មាន ឬ នាមនាមដែលមានមូលសព្ទ គឺឫសគល់ពាក្យតែមួយ គ្រាន់តែផ្លាស់ស្រៈទីបំផុតសព្ទនោះឱ្យខុសគ្នា ក៏ហៅថា ទ្វិលិង្គិក ដែរ ។ លើកលែងសព្ទថា បញ្ហោ បញ្ហា បញ្ហំ ប្រើបាន ៣លិង្គ ។ ឧទាហរណ៍ ប្រើជាបុំលិង្គ បញ្ហោ មំ បដិភាតិ ប្រែថា បញ្ហា បញ្ជាក់ប្រាប់ខ្ញុំ ឬ ប្រាកដដល់ខ្ញុំ ។ ប្រើជាឥត្ថីលិង្គ បញ្ហាវេសា កុសលេហិ ចិន្តិតា បញ្ហានេះ គឺអ្នកប្រាជ្ញទាំងឡាយ គិតហើយ ។ ប្រើជានបុំសកលិង្គ កោណ្ឌញ្ញ បញ្ហានិ វិយាករោហិ នែកោណ្ឌញ្ញ អ្នក ចូរដោះស្រាយនូវបញ្ហាទាំងឡាយ។ ២.ចំពោះ គុណនាម និង សព្វនាម តែងប្រព្រឹត្តទៅបានទាំង៣លិង្គ ហៅថា តិលិង្គិក ឬ ត្រៃលិង្គ។