ཞ་དམར་རིན་པོ་ཆེ་མཛད་པའི་བླ་མ་རྒྱང་འབོད།། | Long-Distance Supplication to the Karmapa | скачать в хорошем качестве

ཞ་དམར་རིན་པོ་ཆེ་མཛད་པའི་བླ་མ་རྒྱང་འབོད།། | Long-Distance Supplication to the Karmapa |

about this video: This sacred verse is a long-distance guru supplication composed by Zhamar Rinpoche, expressing deep devotion to the Glorious Karmapa. It praises the Karmapa as inseparable from all Buddhas, who out of great compassion deliberately takes rebirth to guide devoted disciples in degenerate times. This prayer is commonly recited to strengthen guru devotion, awaken faith, and establish an unbroken connection with the Karmapa lineage. May listening and reciting this prayer bring blessings, clarity, and unwavering confidence on the path. ཞ་དམར་རིན་པོ་ཆེ་མཛད་པའི་བླ་མ་རྒྱང་འབོད།། ཀྱེ་མ། ཕ་རྗེ་བཙུན་བླ་མ་རིན་པོ་ཆེ། ། ཁྱོད་སངས་རྒྱས་ཀུན་དང་དབྱེར་མེད་ཀྱང༌། ། དེང་མོས་པའི་བུ་ལ་ཐུགས་བརྩེ་བས། ། འཕྲལ་རྒྱལ་སྲས་མཆོག་གི་ཚུལ་བཟུང་ནས། ། ལར་བསམ་བཞིན་སྐྱེ་བ་བཞེས་མཛད་པའི། ། དཔལ་ཀརྨ་པ་ཞེས་ཡོངས་སུ་གྲགས། །   རྗེ་ཁྱོད་ཀྱི་བྱིན་རླབས་མི་དམན་ཡང༌། ། རྒྱུད་ཉོན་མོངས་དྲག་པོས་ཡོངས་བཟུང་ནས། ། ལས་ནག་པོའི་སྤྱོད་པ་དར་བའི་ཚེ། ། དུས་སྙིགས་མ་ལྔ་བདོའི་སེམས་ཅན་རྣམས། ། འོག་ངན་སོང་གཡང་ས་ཁོ་ནར་ལྷུང༌། ། ཕ་ཐུགས་རྗེས་ཟུང་ཞིག་ཀརྨ་པ། །   ལས་སྔར་བྱས་རྣམས་ལ་དོན་མ་མཆིས། ། ཆོས་སྔར་བྱས་རྣམས་ལ་ཆོས་བརྒྱད་འདྲེས། ། ལམ་རྣལ་མ་བསྒྲུབས་པ་གཅིག་མ་དྲན། ། ད་ཁྱེད་རང་མིན་པ་རེ་ས་མེད། ། ཕ་ཐུགས་རྗེས་ཟུང་ཞིག་ཀརྨ་པ། །   ལར་གཤིན་རྗེའི་སྐྱེས་བུས་རྒྱབ་ནས་དེད། ། དུས་ལོ་ཟླ་ཞག་གི་མདུན་ནས་བསུས། ། འཕྲལ་རྣམ་གཡེང་བྱ་བས་བར་ནས་བྲིད། ། དེ་མ་ཚོར་བསླུས་ཤིག་བྱུང་ཉན་གདའ། ། ཕ་ཐུགས་རྗེས་ཟུང་ཞིག་ཀརྨ་པ། །   གཞོན་དབང་པོ་གསལ་ཚེ་བྱིས་པའི་སེམས། ། ལུས་དར་ལ་བབ་ཚེ་བྲེལ་བས་གཡེང༌། ། ད་རྒས་ཤིང་འཁོགས་པར་གྱུར་པའི་ཚེ། ། ཆོས་གཤའ་མ་དྲན་ཀྱང་ཕྱིས་ནས་སོང༌། ། ཕ་ཐུགས་རྗེས་ཟུང་ཞིག་ཀརྨ་པ། །   རང་སྡོད་པར་འདོད་ཀྱང་སྡོད་དབང་མེད། ། ནོར་ཁྱེར་བར་འདོད་ཀྱང་ཁྱེར་མི་བཏུབ། ། གྲོགས་འགྲོགས་པར་འདོད་ཀྱང་རང་གཅིག་པུ། ། སང་འཇིག་རྟེན་ཕ་རོལ་འགྲོ་བར་ངེས། ། ཕ་ཐུགས་རྗེས་ཟུང་ཞིག་ཀརྨ་པ། །   ཚེ་འདི་ཡི་བག་ཆགས་འཕེན་པའི་མཐུས། ། ལམ་བར་དོའི་འཕྲང་ལ་ཅི་འདྲ་ཨང༌། ། དཔེ་མདང་སུམ་ཉལ་བའི་རྨི་ལམ་བཞིན། ། ལར་རང་དབང་ཐོབ་པ་ཤིན་ཏུ་དཀའ། ། ཕ་ཐུགས་རྗེས་ཟུང་ཞིག་ཀརྨ་པ། །   སྤྱིར་འཁོར་བའི་ཆོས་ལ་སྙིང་པོ་མེད། ། སྒོས་མི་རྟག་ལུས་ལ་སྙིང་པོ་མེད། ། འདི་ནམ་མཁར་ཤར་བའི་འཇའ་ཚོན་འདྲ། ། དེ་བདེན་པར་བཟུང་ཡང་ཡལ་ནས་འགྲོ། ། ཕ་ཐུགས་རྗེས་ཟུང་ཞིག་ཀརྨ་པ། །   ཡར་སངས་རྒྱས་རྣམས་ལ་དད་པ་མེད། ། མར་སེམས་ཅན་རྣམས་ལ་སྙིང་རྗེ་ཆུང༌། ། གོས་ངུར་སྨྲིག་གྱོན་ཀྱང་གཟུགས་བརྙན་ཙམ། ། སྐྲ་སྤུ་གྲིས་གཞར་ཡང་དོན་སྒོ་ཆུང༌། ། ཕ་ཐུགས་རྗེས་ཟུང་ཞིག་ཀརྨ་པ། །   ཆོས་ཐོས་པ་མང་ཡང་གནད་མ་ཁྲོལ། ། ཁ་བཤད་པ་ཚོ་ཡང་རྒྱུད་མ་དུལ། ། གནས་རི་ཁྲོད་འགྲིམ་ཡང་ཁྱིམ་ལ་སྲེད། ། མིག་ལྟ་སྟངས་བྱས་ཀྱང་ཉམས་མྱོང་མེད། ། ཕ་ཐུགས་རྗེས་ཟུང་ཞིག་ཀརྨ་པ། །   མི་གཞན་གྱི་སྐྱོན་མཚང་ཆུང་ངུ་རིག ། རང་ཁོང་ནས་རུལ་བ་ཡེ་མ་ཚོར། ། མི་གཞན་གྱི་མགོ་བོ་བསྐོར་བསྐོར་ནས། ། སྡུག་རང་གི་ཉོས་པ་མ་ལགས་སམ། ། ཕ་ཐུགས་རྗེས་ཟུང་ཞིག་ཀརྨ་པ། །   ཁོང་རྒྱལ་བའི་གསུང་རབ་མ་ལུས་ཀུན། ། སེམས་རྒྱུད་ལ་ཨེ་ཕན་མི་སེམས་པར། ། ཁེ་གྲགས་པ་སྒྲུབ་ཕྱིར་ཐོས་བསམ་བྱས། ། དེ་ཐར་པའི་ལམ་དུ་ཨེ་འགྲོ་ཨང༌། ། ཕ་ཐུགས་རྗེས་ཟུང་ཞིག་ཀརྨ་པ། །   ང་ཆོས་པའི་ཚུལ་གྱིས་འཇིག་རྟེན་སྒྲུབ། ། ལར་སྐྱེ་བོ་ཀུན་གྱི་མཆོད་པ་ལེན། ། ཚེ་ཡང་ཡེང་བྱ་བའི་ངང་དུ་བཏང༌། ། དབུགས་ཁྲོག་གེར་འགྲོ་དུས་ཅི་འདྲ་ཨང༌། ། ཕ་ཐུགས་རྗེས་ཟུང་ཞིག་ཀརྨ་པ། །   བདག་དེ་སླད་སྐྱོ་བ་གཏིང་ནས་སྐྱེས། ། ཡར་སངས་རྒྱས་རྣམས་ལ་གསོལ་བ་འདེབས། ། སྤྱིར་སྙིགས་མའི་དུས་ཀྱི་སེམས་ཅན་དང༌། ། སྒོས་ཆོས་གཟུགས་ཚུལ་ཅན་བདག་སོགས་ལ། ། ཕ་ཐུགས་རྗེས་ཟུང་ཞིག་ཀརྨ་པ། །   བུ་ང་ལ་རེ་ས་གཞན་ན་མེད། ། བྱ་བྲལ་གྱི་སྐྱིད་སྡུག་ཁྱེད་རང་ཤེས། ། དབྱིངས་ཟག་མེད་བདེ་ཆེན་ཕོ་བྲང་ནས། ། མགོན་ཁྱེད་དང་དབྱེར་མེད་རོ་གཅིག་ཤོག ། 🎵 This is original AI-generated music, created by me using Suno AI under a paid subscription with commercial-use rights. This channel shares peaceful mantras, healing music, and Tibetan spiritual sounds to relax your mind and bring calm energy to your life. May these melodies bring peace and positivity to you. 🙏✨