Histori Njerëzore nga Majlinda Bregu, emisioni 1 (11 Prill 2004) скачать в хорошем качестве

Histori Njerëzore nga Majlinda Bregu, emisioni 1 (11 Prill 2004)

Departamenti i Informacionit Tv Klan paraqet Histori Njerezore nga Majlinda Bregu Idea e skenari: Majlinda Bregu Operator: Besfort Kryeziu e Petrit Xhaferri Operator zëri: Gëzim Cenolli Montazhi: Sokol Reçi Edhe pse kanë kaluar mbi tre muaj nuk ka asnjë lajm mbi fatin e tyre. Ata vazhdojnë të mungojnë ende në apelin e fundit të tragjedisë së 9 Janarit. Janë 7 njerëz të zhdukur. Nuk dihet, të mbetur në fund të detit apo në dy brigjet e Adriatikut. Ata nuk ishin as mes të mbijetuarve, as mes viktimave, as të gjallë dhe as të vdekur. Ç’ndodhi më 9 Janar? Bilanci i tragjedisë që tronditi gjithë vendin tashmë i fiksuar në faqet e historisë të mbushur me viktimat e Adriatikut ne vitin e fundit. Më 9 Janar u numëruan 20 viktima, 11 të mbijetuar dhe 7 të humbur. Të parët mundohen të harrojnë natën e tmerrit që panë me sy, të dytët kanë lënë pas një plagë që s’mbyllet kurrë, ndërsa të tretët kanë lënë pezull vajin, frymëmarrjen. Pas tre muajsh askush nuk di të tregojë me saktësi atë që ndodhi natën e 9 Janarit. Një i ftohtë prerës, det i egërsuar, gomonia e mbingarkuar me njerëz, flakët dhe britmat janë fiksuar në mënyrë të pashlyeshme në memorien e atyre që mbijetuan. Tjetër gjë nuk mbahet mend. Në atë errësirë dhe hapësirë të vogël tragjike, gjithkush mundohej të shpëtonte kokën apo të afërmit e tij. Këta janë familjarët e të humburve. Kanë mbi 90 ditë që kërkojnë trupat e të afërmve të tyre në Adriatik. Janë larguar nga shtëpitë e tyre në veri të vendit dhe dalin çdo mëngjese, herë me anije të marinës detare dhe herë kështu në këmbë në përpjekje të dëshpëruar me detin për të gjetur qoftë edhe një shenjë nga të larguarit e tyre. Ajo që dhemb më shumë është një lamtumirë e pathënë. Një fjalë e fundit mbetur brenda në shpirtrat e tronditur të këtyre njerëzve. Nuk i druhen më pas kaq ditësh përballjes me fatkeqësinë, por nuk pranojnë dot që të mos kenë një vend për të qarë fëmijët e tyre. Në shtëpinë e tyre në lagjen tepe në Shkodër, të ngrira nga një fatkeqësi e pamenduar në një morg pa të vdekur, presin nëna Marta dhe 5 motrat më të vogla të Besnikut. Ka diçka më shumë se ankthi që rri pezull në këtë shtëpi. Është boshllëku që i rrethon dhe nuk i jep dot formë dhimbjes. Një natë përpara se të ikte, u zura me djalin tim sepse i thashë kë marrë një rrugë të keqe. Është rrugë e keqe sepse 5 motra, babai nuk shikon. Çfarë do bëjmë ne? Më tha do iki me Gurda di Finanza, do iki i siguruar. Atëherë unë e mbajta atë kokëfortësinë time duke u zënë prapë me djalin. U zgjua nga ora 6:30 e tha do iki, kur doli u kthye edhe njëherë. Më tha, mami unë do iki, por ti më kë folur keq dhe unë po iki pa të folur se më ke thënë që kam marrë rrugë të keqe. Jo o bir i thash, po rrugë e keqe është kjo se është dimër, deti është i zi. Kurbet. Kjo është rrugë e keqe, nuk është rrugë e mirë. Më tha, unë as nuk kam vjedhur as nuk kam bërë punë të këqija, pse me the ashtu. Ai u nis dhe një herë dhe u kthye prapë. I thashë ktheu e merre bekimin meqënëse nuk bën kurrsesi të rrish me ne. Unë po iki për një jetë më të mirë, më tha jo se s’dua të rri me ju. U kthye u ul në gjunjë, pasi morri bekimin në shenjë të bekimit më tha “mam dua të lë unazën dhe nuk do ta heqësh më”. Kjo është unaza e djalit. I thashë nuk e dua, nuk do e heqësh më tha. Kështu u ndam./tvklan.al SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund ti ndiqni edhe në faqen https://tvklan.al/programe/