Nardaran hadisələri скачать в хорошем качестве

Nardaran hadisələri

Nardaran hadisələrinin üzərindən 9 il keçir 2015-ci il noyabrın 26-da baş verən və “Nardaran hadisələri” adı ilə yadda qalan xüsusi əməliyyat Azərbaycanın müasir tarixində iz buraxan hadisələrdən biridir. Həmin gün 6 nəfər – dördü qəsəbə sakini, ikisi isə polis əməkdaşı olmaqla – həlak oldu. Hadisələrdən sonra 100-dən çox insan həbs edildi, 44 nəfərə ağır cinayətlərdə ittiham irəli sürüldü. O vaxtdan etibarən Nardaranın giriş-çıxışlarına polis postları yerləşdirilib. Bəzi yerlər, o cümlədən hadisələr zamanı öldürülmüş qəsəbə sakinlərinin məzarları polis və kamera nəzarətində saxlanılır. Məsələn, 2015-ci ildə güllə yarasından ömürlük yataq xəstəsi olan və 15 il azadlıqdan məhrum edilən Əbülfəz Bünyatovun və əməliyyat zamanı öldürülən əmiuşaqlarının evləri hələ də polis nəzarətindədir. Bu nəzarət tədbirləri ilə bağlı hər hansı rəsmi və ya məhkəmə qərarı mövcud deyil. 9 il əvvəlki hadisələrdə həyat yoldaşları həbs edilmiş Leyla İsmayılzadə və Şəhanə Həsənova həmin dövrə dair xatirələrini bölüşürlər.