8 Marsi/Topalli dhe Berisha nderojnë rolin historik dhe aktual të grave-(8 Mars 2012) скачать в хорошем качестве

8 Marsi/Topalli dhe Berisha nderojnë rolin historik dhe aktual të grave-(8 Mars 2012)

Lajme Arkiva 2012 Kryetarja e Kuvendit e ka bërë traditë që për festën ndërkombëtare të gruas të organizojë koncert festiv në sallën e Pallatit të Kongreseve, me pjesëmarrjen e grave nga shtresa të ndryshme të shoqërisë. Për këtë vit, festimet kanë patur një domethënie të veçantë për të gjitha gratë shqiptare, pasi motoja e festimeve ishte zgjedhur të ishte gruaja shqiptare në 100 vjet pavarësi. Në fjalën e saj kryeparlamentarja Topalli ka kujtuar jo pa krenari, ikonat e trimërisë së grave shqiptare nga Teuta, Argjiroja deri tek shenjtorja Nënë Tereza. Jozefina Topalli: “Kujtojmë Teutën e Vojsavën, nderojmë Marigonën e Shotën. Na frymëzojnë Rozafa e Nënë Tereza. Nderojmë ato gra që nuk ia dimë emrat, ato që mësuan e ruajtën gjuhën shqipe. Ato nëna që lindën Ismail Qemalin dhe Hasan Prishtinën. Ne jemi krenare për trashëgiminë që ato na kanë përcjellë në shekuj. Tani radhën e kemi ne. Ne sot kemi përgjegjësinë për të ndihmuar dhe inkurajuar brezin e ardhshëm për të bërë punën tonë për gratë e së nesërmes.” I ftuar për të dhënë urimet e tij në festën ndërkombëtare të gruas, kreu i qeverisë, kryeministri Sali Berisha vlerësoi rolin e saj si një faktor ndërkombëtar i ndryshimit, e në veçanti në Shqipëri, si aktorët kryesorë të përmbysjes së diktaturës komuniste. Sali Berisha: “Për çdo komb nëna është burimi i jetës. Për ne shqiptarë, një komb ndër më të lashtit nëna është arkitektja e identitetit tonë kombëtar. Dua të shpreh mirënjohje të veçantë këtu për të gjithë ato qindra dhe mijëra vajza dhe gra shqiptare që në vitet ’90 me virtytet e tyre ishin të parat që u vërsulën për të përmbysur diktaturën më shpërfytyruese që Evropa kishte njohur në tërë historinë e saj”. Berisha i ka bërë apel grave të nisë një betejë pa kompromis për të shembur murin e patriarkisë që gjeneron diskriminim dhe dhunë ndaj të gjitha grave./tvklan.al Gazetare: Elja Zotka SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/