ថ្ងៃទី៩ តុលា៖ ព្រះទ្រង់មានសេចក្តីមេត្តាប្រកបដោយប្រាជ្ញា скачать в хорошем качестве

ថ្ងៃទី៩ តុលា៖ ព្រះទ្រង់មានសេចក្តីមេត្តាប្រកបដោយប្រាជ្ញា

ថ្ងៃទី៩ តុលា៖ ព្រះទ្រង់មានសេចក្តីមេត្តាប្រកបដោយប្រាជ្ញា --------------------------------------------------------------------- តែយើងខ្ញុំប្រកាសប្រាប់ពីព្រះគ្រីស្ទ ដែលទ្រង់ត្រូវឆ្កាងវិញ ជាហេតុនាំឲ្យរវាតចិត្តដល់សាសន៍យូដា និងជាសេចក្តីល្ងង់ល្ងើដល់សាសន៍ក្រេក តែព្រះគ្រីស្ទ ទ្រង់ជាព្រះចេស្តា ហើយជាប្រាជ្ញារបស់ព្រះវិញ។ (១កូរិនថូស ១:២៣-២៤) ពេលដែលយើងបានទទួលព័ត៌មានដ៏គួរឲ្យភ័យខ្លាចថា យើងបានធ្លាក់ចូលក្នុងការថ្កោលទោសរបស់ព្រះអាទិកររបស់យើង ហើយព្រះអង្គត្រូវតែរក្សាតម្លៃនៃសិរីល្អរបស់ព្រះអង្គ ស្របតាមចារិកលក្ខណៈដ៏សុចរិត ដោយចាក់បង្ហូរសេចក្តីក្រោធដ៏អស់កល្បមកលើបាបរបស់យើង។ នេះជាដំណឹងល្អដ៏អស្ចារ្យ។ នេះជាសេចក្តីពិតដែលគ្មាននរណាអាចរៀនសូត្រពីធម្មជាតិបានឡើយ។ សេចក្តីពិតនៃដំណឹងល្អនេះ គឺសម្រាប់ឲ្យយើងចែកចាយដល់អ្នកជិតខាង អធិប្បាយក្នុងព្រះវិហារ និងយកទៅអនុវត្តន៍ដោយបេសកជន។ ដំណឹងល្អបានប្រកាសថា ព្រះទ្រង់បានប្រទានផ្លូវមួយ ដើម្បីបំពេញតាមការទាមទាររបស់សេចក្តីយុត្តិធម៌របស់ព្រះអង្គ ដោយមិនកាត់ទោសមនុស្សជាតិទាំងមូល។ ការដាក់មនុស្សមានបាបក្នុងស្ថាននរក គឺជាផ្លូវមួយ សម្រាប់ជំនុំជម្រះទោសពួកគេ និងសម្រេចតាមសេចក្តីយុត្តិធម៌របស់ព្រះអង្គ។ តែព្រះទ្រង់ប្រទានផ្លូវមួយទៀត គឺដំណឹងល្អ។ ប្រាជ្ញារបស់ព្រះបានរៀបចំផ្លូវមួយ ដោយសេចក្តីស្រឡាញ់ ដើម្បីរំដោះយើងឲ្យរួចផុតពីសេចក្តីក្រោធរបស់ព្រះអង្គ ដោយមិនបន្ថែមបន្ថយសេចក្តីយុត្តិធម៌របស់ព្រះអង្គ។ នេះជាដំណឹងល្អ។ ខ្ញុំសូមនិយាយយឺតៗ ម្តងទៀតថា ប្រាជ្ញារបស់ព្រះបានរៀបចំផ្លូវមួយ ដោយសេចក្តីស្រឡាញ់ ដើម្បីរំដោះយើងឲ្យរួចផុតពីសេចក្តីក្រោធរបស់ព្រះ ដោយមិនបន្ថែមបន្ថយសេចក្តីយុត្តិធម៌របស់ព្រះអង្គ។ តើប្រាជ្ញានោះជាអ្វី? គឺការសុគតរបស់ព្រះរាជបុត្រានៃព្រះ ជំនួសមនុស្សមានបាប! គឺដូចមានសេចក្តីចែងថា “តែយើងខ្ញុំប្រកាសប្រាប់ពីព្រះគ្រីស្ទ ដែលទ្រង់ត្រូវឆ្កាងវិញ ... ជាព្រះចេស្តា ហើយជាប្រាជ្ញារបស់ព្រះវិញ”(១កូរិនថូស ១:២៣-២៤)។ ការសុគតរបស់ព្រះគ្រីស្ទ គឺជាប្រាជ្ញារបស់ព្រះ ដែលដោយសារប្រាជ្ញានេះ សេចក្តីស្រឡាញ់របស់ព្រះអង្គបានសង្រ្គោះមនុស្សមានបាប ឲ្យរួចផុតពីសេចក្តីក្រោធរបស់ព្រះអង្គ ហើយទន្ទឹមនឹងនោះ ក៏បានលើកដំកើង និងបង្ហាញសេចក្តីសុចរិតរបស់ព្រះវរបិតាក្នុងព្រះគ្រីស្ទ។ #Plovpit #ផ្លូវពិត #DirsiringGod #JohnPiper #សៀវភៅគ្រីស្ទាន #SolidJoys