"Shqiptare kam lindur, shqiptare do të vdes" - Një këngë për heroinën Shpresa Krasniqi скачать в хорошем качестве

"Shqiptare kam lindur, shqiptare do të vdes" - Një këngë për heroinën Shpresa Krasniqi

Kënduar me dashuri dhe respekt nga Erjona Krasniqi, kënga është zëri i gjallë i kujtimit për një vajzë që u bë simbol i qëndresës, i nderit dhe i krenarisë shqiptare – sot e gjithmonë e përkujtojmë heroinën tonë, Shpresa Krasniqi. Në pranverën e vitit 1999, kur toka e Kosovës digjej nga dhuna dhe terrori serb, Shpresa nuk u dorëzua. E rrethuar nga barbaria, ajo zgjodhi nderin para jetës, qëndresën para frikës dhe vdekjen para turpit. Ajo nuk pranoi të përkulet as para armikut, as para vdekjes – sepse ishte bijë e Kosovës, bija e një populli që nuk njihet për dorëzim. Më 12 prill 1999, në fshatin Lugbunar afër Gjakovës, Shpresa u vra mizorisht nga forcat serbe, por ata nuk arritën kurrë ta mposhtin shpirtin e saj. Në momentin kur kuptoi se nuk kishte më rrugë tjetër, ajo u kacafyt me barbarët serbë – me duar boshe, por me zemër të madhe. Armët e saj të vetme ishin duart dhe guximi i saj. Fjalët e fundit të Shpresës ishin: “Mund të ma merrni jetën, por jo nderin.” Shpresa ishte e vetmja vajzë në familjen Krasniqi – një lule e vetme që nuk u përkul, një motër që u bë motra e gjithë Kosovës. Ajo nuk ishte vetëm viktimë e luftës, por një heroinë e saj. Me qëndresën dhe flijimin e saj, ajo shkroi një kapitull të lavdishëm në historinë tonë për liri. Për ty, Shpresa, Kosova qet sot lot krenarie. Për ty ngrihen flamujt, për ty këndohen këngët e lirisë, për ty gjallërohet kujtesa e një populli që kurrë nuk harron bijtë dhe bijat që ranë për të jetuar ne të lirë. Lavdi jetës dhe veprës së Shpresa Krasniqit! Lavdi heroinës Shpresa Krasniqi! Lavdi dëshmorëve të kombit!