जपानचे माजी पंतप्रधान शिंजो आबे यांचं आज एका प्राणघातक हल्ल्यात निधन скачать в хорошем качестве

जपानचे माजी पंतप्रधान शिंजो आबे यांचं आज एका प्राणघातक हल्ल्यात निधन

दि.०८.०७.२०२२ : जपानचे माजी पंतप्रधान शिंजो आबे यांचं आज एका प्राणघातक हल्ल्यात निधन झालं. ते ६७ वर्षांचे होते. जपानमधल्या नारा शहरात, एका प्रचारसभेत भाषण करतेवेळी, शिंजो आबे यांच्यावर मागच्या बाजूनं, अज्ञात बंदुकधाऱ्यानं गोळीबार केला. गोळी लागल्यानं, शिंजो आबे स्टेजवर कोसळले. त्यानंतर लगेचच त्यांना रुग्णालयात दाखल करण्यात आलं. त्यांना हृदयविकाराचा झटका आला,रुग्णालयात उपचार सुरु असताना त्यांचं निधन झालं. जपानी वेळेनुसार आज सकाळी साडेअकरा वाजता आबे भाषण करत असताना हा हल्ला झाला. या हल्ल्यात आणखी काही जण जखमी झाले आहेत. घटनास्थळी गोळीबाराचे दोनवेळा आवाज आल्याचं, जपानच्या अधिकृत प्रसारमाध्यमानं म्हटलं आहे. जपानी पोलिसांनी घटनास्थळावरुन, एक बंदूक जप्त केली असून, हत्येप्रकरणी यामागामी तेत्सुया या ४१ वर्षीय इसमाला अटक केली आहे. तो निवृत्त नौदल जवान असल्याचं समजतं. २००६ साली, वयाच्या ५२ व्या वर्षी, आबे जपानचे पहिल्यांदा पंतप्रधान झाले. ते जपानचे सर्वात तरुण पंतप्रधानही ठरले. तसंच त्यांनी जपानचं पंतप्रधान पद दीर्घकाळ भूषवलं. शिंजो आबे यांनी, २८ ऑगस्ट २०२० रोजी पंतप्रधान पदाचा राजीनामा दिला. वैद्यकीय कारणास्तव, आपण राजीनामा देत असल्याचं, त्यांनी जाहीर केलं होतं. आबे यांच्या कार्यकाळात, भारत आणि जपान मैत्रीसंबंध अतिशय प्रगाढ झाले. भारतानं गेल्यावर्षी त्यांना, पद्मविभूषण या खिताबानं सन्मानित केलं होतं.