Bareke kuvuga ubusa - Perezida Kagame avuga ku mabuye y’agaciro atunganywa avuye muri Congo скачать в хорошем качестве

Bareke kuvuga ubusa - Perezida Kagame avuga ku mabuye y’agaciro atunganywa avuye muri Congo

Perezida Kagame yabajije abikorera bari mu rwego rw’ubucukuzi bw’amabuye y’agaciro, ko baza kumubwira ingano y’ayo bakura muri Congo. Umuyobozi w’Urwego rw’Amabuye y’agaciro, Alice Uwase, yasubije ko u Rwanda rudakeneye amabuye y’agaciro ngo rutere imbere. Yavuze ko igikenewe ari ukumva agaciro kayo, “tukamenya ko tutazajya twohereza amabuye y’agaciro atanoze ahubwo dukwiriye kuyatunganya”. Yakomeje agira ati “Tukaba twaba ihuriro ry’ubucuruzi bw’amabuye y’agaciro muri aka gace kandi atunganyije”. Perezida Kagame yavuze ko u Rwanda ruramutse rutunganya amabuye y’agaciro, aho yava hose nta kibazo byaba biteye kuko n’ibihugu biteye imbere, nta mabuye y’agaciro “bagira ariko bayungukamo kurusha abantu bose, bayavana he?” Yakomeje agira ati “Ikinyuranyo ni ukuvuga ngo amabuye yacu tuvana muri Congo tukayatunganya, ntihakagire asigara mu Rwanda igihe ari mu nzira aza iwacu, ni cyo biba bivuze gusa.” “Ariko arajya iwanyu kubera iki, inzira yose agenda kuki hatagira ugira icyo avanaho? Ibyo biri mu yahe mategeko, mu yihe mico byo kuvuga ngo wowe ntuzagire icyo ukora ibintu byose bizajya binyura hano.” “Hano hari inzira, abantu barahakoresha abo duturanye nabo, ibice bya Congo ntabwo bose duturanye nabo, duturanye nabo mu Burasirazuba bwa Congo. Ibiva Katanga, ibiva Equateur ntabwo binyura hano, bifite indi mipaka cyangwa se bigenda mu ndege ariko hano mu Burasirazuba bwa Congo usibye n’amabuye n’abantu barambuka bagafata indege hano bakajya iyo bajya.” “Ubuse tuzabuze Abanye-Congo cyangwa tuzabuze abantu tuti niba mushaka kujya Dubai cyangwa Bruxelles, Paris, Londres, Washington ntimugafatire indege mu Rwanda? Abantu bareke kujya bavuga ubusa.” Subscribe: https://www.youtube.com/IgiheTV?sub_c... Facebook:   / igihe   DailyMotion: https://www.dailymotion.com/igihetele... Twitter:   / igihe   Instagram:   / igiheofficial   Flickr: https://www.flickr.com/photos/igihepi... Website: http://igihe.com/ #IGIHE #Rwanda