Sengkan A. Sangma, Independent Candidate Raksamgre manderangni dabienggipa candidate | Sawa chegen? скачать в хорошем качестве

Sengkan A. Sangma, Independent Candidate Raksamgre manderangni dabienggipa candidate | Sawa chegen?

Garo Hills Autonomous District Council (GHADC) election-o 20-Raksamgre GDC elaka-oni susana gita Congress tikitko on·jahani gimin Sengkan A. Sangma baksa joloni bangbea manderang tom·e chanchirimangenba, Sengkan A Sangma-ko Independent candidate ba jakgitelgipa candidate ong·e susaskachina kakimchaen didiangtokaha. Congress party tikitko on·jahani gimin 20 Raksamgre GDC elaka ning·o donggipa dingtang dingtang polling station-ni manderang, Sengkan A Sangma-ni noko tom·e jinma tom·e chanchirimenba, Congress-na, NPP-na, TMC-na aro gipin dolna kam kagipa manderangba una kakimchae re·mikangtokna tik ka·angtokaha. Sengkan A. Sangma, GHADC election-o 20-Raksamgre elaka-oni susana gita Congress-ni tikitna dorgastoko galahachim indiba elakao partyni dilgiparangni nangnikaniko knachakgija aro jol-ni manderango sing·sandichenggijasa Meghalaya Pradesh Congress Committee (MPCC)-ni dilgiparang, manderangni ra·chakna man·gijagipa candidate-nasa party tikitko on·skaaha ine agane, 20 Raksamgre GDC elaka-o party-na dingtang dingtang gadango kam ka·enggipa manderangba Independent candidate ong·e susaenggipa Sengkan A. Sangma-na chaktokskana gita parakangaha.