ماڵەکەی شێخ مەحمود و مێجەرسۆن لە سلێمانی؛ لە چەقی بڕیارە مێژووییەکانەوە بۆ مۆزەخانەیەکی نیشتمانی скачать в хорошем качестве

ماڵەکەی شێخ مەحمود و مێجەرسۆن لە سلێمانی؛ لە چەقی بڕیارە مێژووییەکانەوە بۆ مۆزەخانەیەکی نیشتمانی

هەر خشتێکی ئەم خانووە چیرۆکێکی هەیە ماڵەکەی شێخ مەحمود و مێجەرسۆن لە سلێمانی؛ لە چەقی بڕیارە سیاسی و کۆمەڵایەتییەکانییەکانەوە بۆ مۆزەخانەیەکی نیشتمانی ئەو خانووەی لە سەردەمی شێخ مەحمودی حەفیددا گرنگترین بڕیارە سیاسی و کۆمەڵایەتییەکانی لێوە درکرا، ئێستا لە سلێمانیدا خەریکە دەکرێت بە مۆزەخانەیەکی نیشتمانی. “ماڵەکەی مێجەرسۆن” کە تەمەنی زیاتر لە 130 ساڵە و بە شێوازی بیناسازی کۆنی ئینگلیزی دروستکراوە، جگە لە پیشاندانی بەڵگەنامە و کەلوپەلی مێژوویی، سینەما ڤیژنێکیشی تێدا دەبێت بۆ نمایشکردنی فیلمە دیکۆمێنتارییەکانی شێخ مەحمود. کارەکانی گۆڕینی ماڵی مێجەرسۆن بۆ مۆزەخانە بە خێرایی بەڕێوەدەچێت، بەشێکی زۆری کارەکانی بیناسازییەکەی تەواو بووە و ئێستا تیمەکان سەرقاڵی کۆکردنەوەی بەڵگەنامە مێژووییەکان و دانانی کەلوپەلەکانن. ئەم خانووە کە تەمەنی سەرو 130 ساڵە و لەسەر شێوازی تەلارسازی کۆنی ئینگلیزی دروستکراوە، گرنگییەکی تایبەتی هەیە، چونکە لە سەردەمی شێخ مەحمودی حەفیددا وەک ناوەندێکی بڕیاردان و بەڕێوەبردنی کاروباری سیاسی و سەربازی ناسرابوو. مۆزەخانەکە چەندین بەڵگەنامەی گرنگی سەردەمی شێخ مەحمود لە خۆدەگرێت و هەوڵەکان بەردەوامن بۆ گەڕاندنەوەی بەڵگەنامەی زیاتر لە وڵاتانی بەریتانیا، تورکیا، ئێران، هیندستان و عێراقەوە بۆ هەرێمی کوردستان، جگە لە بەڵگەنامەکان، بەشێک لە کەلوپەلە رەسەنەکانی ناو ماڵەکە کە هی هەمان سەردەمن، تا ئێستا پارێزراون و لەناو مۆزەخانەکەدا نمایش دەکرێن. یەکێک لە تایبەتمەندییەکانی ئەم مۆزەخانەیە، بوونی سینەما ڤیژنێکە کە تەرخان دەکرێت بۆ پیشاندانی ئەو بەڵگە فیلمانەی لەسەر ژیان و خەباتی شێخ مەحمود دروست کراون، ئەمەش دەرفەتێک دەڕەخسێنێت بۆ سەردانیکەران کە بە شێوەیەکی زیندووتر لە مێژوو تێبگەن. بڕیارە لە 16.11.2025، ئەم مۆزەخانەیە بە فەرمی بکرێتەوە و وەک سەرچاوەیەکی دەوڵەمەندی مێژوویی و کەلتووری خزمەت بە نەوەکانی ئێستا و داهاتوو بکات.