“Nuk jemi perëndimorë të përkëdhelur nga fati”, Rama: BE rruga jonë e vetme скачать в хорошем качестве

“Nuk jemi perëndimorë të përkëdhelur nga fati”, Rama: BE rruga jonë e vetme

Është mbajtur këtë të enjte në Tiranë, takimi i dytë i nivelit të lartë “Shqipëria2030 në BE – Rruga e Reformave”. Kryeministri Edi Rama gjatë fjalës së tij në takimin e dytë të nivelit të lartë “Shqipëria2030 në BE – Rruga e Reformave”, u shpreh se reforma në drejtësi është e pakthyeshme. Ndër të tjera Rama i dha një rëndësi të veçantë edhe procesit të integrimit europian, duke u shprehur se rruga e vetme dhe fokusi kryesor është që Shqipëria të bëhet pjesë e familjes së madhe europiane. Kryeministri shtoi se ne nuk jemi perëndimorë të përkëdhelur nga fati dhe theksoi se ne e dimë shumë mirë që BE është vendi i shpëtimit tonë nga historia jonë. “Nëse palët politike e kanë të vështirë të bëhen bashkë, nuk mund ta kenë të vështirë institucionet që të bëhen bashkë, as pushtetet e pavarura. Të bëhen bashkë për të kontribuar në një proces shtet-bërje që është misioni i tyre përbashkët secili në pozicionin e vetë. Ashtu sikundër ekspertët e pavarur që janë angazhuar nga bota akademike apo jeta e përditshme që lidhet me këto tema apo ekspertët e huaj, kanë nevojë për një hapësirë ndërveprimi. Por në Parlament është ndryshe. Dhe u vërtetua që komisioni e shtriu këtë debat kudo ku Kuvendi si institucion ka legjitimitetin e duhur për të ndërmarrë reforma mund të angazhojë dhe forca të tjera. Dhe nuk u pa asgjë nga ato që u paralajmërua. Por u pa që aktivistë shumë kritikë ndaj qeverisë, ekspertë, pedagogë, njerëz që u bënë bashkë për këtë proces. Duhet të jemi të vërtetë, që Kuvendi nuk është në lartësinë ku duhet të jetë dhe ku ky proces mund dhe do ta çojë. Kuvendi i Shqipërisë për një kohë të gjatë do jetë në një rol të dyfishtë, politik-bërjes së brendshme dhe një procesi që shkon përtej dhe vetë anëtarësimit. Dhe ka akoma në Kuvend një strukturë që ndjek çështje që lidhen me transparencë. Ne kemi kuptuar se rezulton një strukturë efikase. Dua të them që nuk kemi zgjedhje tjetër, është vetëm një plan, një rrugë që është BE. Ne nuk jemi perëndimorë të përkëdhelur nga fati. Ne nuk jemi rritur aty dhe ashtu si janë rritur ata në Europën e viteve 70 apo 80. Ne jemi rritur në ferr dhe e dimë shumë mirë që BE është shumë më tepër se një bankomat. E dimë shumë mirë që BE është vendi i shpëtimit tonë nga historia jonë. BE është këndi nga ne duhet të shohim historinë tonë. Ne nuk mund ta shohim BE me sytë e të shkuarës, ne duhet të shohim tub shkuarën me sytë e BE dhe për ne kjo ëhstë e qartë dhe dera që është hapur duhet të shfrytëzohet pa u mbyllur”, tha Rama. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan