Thomas Felder : "Muschdrlendle" скачать в хорошем качестве

Thomas Felder : "Muschdrlendle"

Thomas Felder, der bekannte Musiker und Liedermacher aus Reutlingen, singt mit seinem seit 1977 immer wieder aktuell gehaltenen Titel "Muschdrlendle" gegen das Milliardenprojekt S21 an. XXV. Montagsdemo in Folge, Stuttgart Hauptbahnhof, Nordausgang am 03.05.2010 Hier der Text, mit freundlicher Genehmigung des Autors: An dr Schbitz vo älle Bondesländer Schdoot a Land wie s kaum a scheeners geit - fallera. S blüüt em Früüjoor, Sommer, Herbscht ond Wender, S isch halts Muschdrlendle, sagat älle Leit. Oefach bombamäßige Erträg En dr Landwirtschaft ond en dr Induschdrii Könnat onsre Ondrneemer älle Däg Auf iir Kondo buacha; s lauft halt wie no nie. Dass so weiderlauft en Saus ond Braus wie bisher, Brauch mr saubra atomara Energie. Fir da Abfall ond fird Kialong haldad Fliss her, Ond dr Grenzwert hoeßt jetz lach mal ix gleich pi; Wie er übermorga hoeßt, des woeß ma nie. Manche sagat, s dädad schderba onsre Wälder; Doch d Regierong saet: »Des goot ons gar nix a. Do verschwenda mir no koene Schdeuergelder, Solang ma s no als Bauholz (Brennholz) braucha ka.« En de Schdäd vom Wirddaberger Ländle Wird am fleißigschda vo älle Schdäd saniert: Jedes Hochhaus kriegt a butzigs Rasarändle, Ällas andre wird em Viereck beddoniert. Onsre Audos, Porsche ond Mercedes, Send de beschde Audos von dr ganza Welt. Abr lieber laufsch gao nocham Gschäft per pedes, No bisch schneller ond kommsch weiter für dae Geld. En dr Landeshoaptschdad zwischa Wald ond Räaba, Glei ondrhalb vom scheena Fernsääturm, Daffat Audofaarer s Dageslicht erläaba, Dr normale Mensch kriacht onda wie a Wurm. Wennde en dr Ondrfiirong ammol schdao bleibsdch, Ond zom Beischbiil so a Liad wie des do sengsch, Kommt dae Fraend ond Helfer, fiirt de ab ond schao bleibsch Nemme schdao, weil de mit dam jetz zemmahengsch. Onser Land hot König, aber oone Krona: Vornadra ein gottsallmächtiger Konzern (der middam Schdern). Der kassiert von ons die diggschde Subvenziona, Ond Minischder schbiilat d Geldbriefträger gern Über s Trinkgeld schwätzt ma nix, des bleibt intern. Günther (Cäsar) Öttinger der hot mol gmoet: »Jetz danz ich Aufam Glatteis hendrm Filbinger saem Sarg.« Nach der Rutschpartie vor Stuttgart einundzwanzig Reibt er sich saen Zenga em Europapark. Ou nou, ou nou, »Ou my Nousaboun does whya very arg!« Brutus Mappe, dieses junge, braune, kranke, falsche Häslein hinter Grube saß und schlief. S ganze Schuschdr-Schbekulandapack sagt: »Danke!« Ond dr Landessäaga hängt verquer ond schief. Ja Noe! Ja Noe! S leit koe Säaga en dam Filz ond Mief! Do wird gmauschlat, do wird gschmiert, ond do wird gloga, Dass s vom Keller onda hoch zom Hemmel schreit. S hot schao d Schiene von dr Eisabaa verboga, Ziagat d Notbrems, Leit, s isch höggschde Zeit für an Schdreit, Dass s koen Tunnelbau zu Babel bei ons geit! S hand doch siibnasächzigdausad onderschriiba, Ond dia wellat, dass der Baahof schdanda bleibt. So vill Schduagrtr hots no nie aufd Schdrooßa triiba, Wies jetzt jeda Mondagobad doher treibt. Ja Woll! Ja Woll! Ond dia wellat dass der Baahof schdanda bleibt. Ja, mir wellat dass der Baahof schdanda bleibt, Ond bleibat schdanda bis der Baahof schdanda bleibt. Mir bleibat schdanda bis der Baahof schdanda bleibt! Bleibat oba bis der Baahof oba bleibt!! (Text und Musik: Thomas Felder) © Thomas Felder Musik&Wort