Eşitmə Sistemi Möcüzəsi I 4K скачать в хорошем качестве

Eşitmə Sistemi Möcüzəsi I 4K

Bir insan sizə “salam” dediyi zaman, ondan gələn səs dalğaları qulaq seyvanı tərəfindən toplanır. Səs 1 saniyənin 50-də birində 6 metr yol qət edir ki, qulağın içində titrəyən hava sürətlə orta qulağa qədər məsafə qət edir. Ölçüsü 7,6 millimetr olan qulaq pərdəsi rəqsi hərəkət edir və bu hərəkət 3 kiçik sümüyə ötürülür. Beləliklə, səs dalğaları mexaniki dalğaya çevrilir. Bu sümüklərdəki titrəyişlər daxili qulağa ötürülür. Oradakı maye hərəkətə gələrək spiralvarı ilbizdəki reseptorları qıcıqlandırır. Fərqli səs tonları ilbizin içərisində bir-birindən ayrılır. İlbizin içində bəzi musiqi alətlərindəki kimi müxtəlif uzunluqlu tellər var. Eşitdiyimiz səs bu telləri tərpədir. “Salam” deyilərkən səs əvvəlcə aşağı pərdədən başlayır. Getdikcə yüksəlir. Nəticədə tellərdə rezonans baş verir. Sonra daxili qulaqdakı bu titrəyişlər eşitmə sinirlərinə ötürülür. “Salam” səsi artıq yalnız elektrik siqnalıdır. Bu siqnal eşitmə sinirləri vasitəsi ilə sürətlə beyinə doğru irəliləyir. Sinirlərdəki bu səyahət siqnallar beyindəki eşitmə mərkəzinə çatana qədər davam edir. Bu səyahətin sonunda beyindəki milyonlarla neyronun böyük bir qismi həmin məlumatları dəyərləndirir. Beləliklə də, qarşıdakı insanın səsini eşidirsiniz. Burada səthi şəkildə bəhs etdiyimiz proseslər əslində olduqca mürəkkəb əməliyyatlar nəticəsində və saniyədən də qısa müddətdə baş verir. Hər gün yüz minlərlə dəfə təkrarlanan bu proseslər haqqında çox vaxt heç düşünmürük, halbuki hər bir kəlməni Rəhman və Rəhim olan Allahın mərhəməti ilə eşidirik. Bütün bunlar insanların Uca Rəbbimizə şükür və həmd etməyinə səbəb olmalıdır. Allah Quranda insanlara bu həqiqət üzərində düşünməyi, şükür etməyi buyurmuşdur. Allah sizi heç bir şey bilmədiyiniz halda analarınızın bətnlərindən çıxartdı. Şükür edəsiniz deyə Allah sizə qulaqlar, gözlər və qəlb bəxş etdi. (Nəhl surəsi, 78)