PD citon mediat italiane: Danaj tha se "duhet ta kishim vrarë vajzën" скачать в хорошем качестве

PD citon mediat italiane: Danaj tha se "duhet ta kishim vrarë vajzën"

Partia Demokratike ka vazhduar sot sulmin ndaj kreut të sapozgjedhur të Qarkut të Vlorës, Sadrit Danaj, duke cituar shprehje të vëna në gojën e tij nga mediat italiane: "Duhet ta kishim vrarë vajzën që të mos kishim probleme." Zëdhënësja e PD-së Laura Vorpsi ka dalë sot në një konferencë për shtyp duke akuzuar Kryeministrin Rama se ka vendosur një "kriminel gjakftohtë" në krye të Qarkut të Vlorës. "Kryeministri Edi Rama vazhdon prej 6 ditësh të jetë turist i bienales, ndërkohë që prej 6 ditësh i ka lënë drejtimin e Qarkut të Vlorës, një personi me precedent të tmerrshëm kriminal. Duhej ta kishim vrarë vajzën që të mos kishim probleme, është shprehur gjatë rrëmbimit të pengut, në fillim të vitit 2000, në zonën e Siçilisë, Sadrit Danaj. Ky kriminel gjakftohtë, i cili nuk meriton veçse ndëshkimin e drejtësisë, është bërë nga Edi Rama, Kryetar i Këshillit të Qarkut,"- tha Vorpsi. Sipas saj, "bisedat e Danajt të përgjuara nga Policia Italiane dhe të publikuara nga La Republica, janë stili i një banditi me të cilin Edi Rama ndan pushtetin." Për më shumë klikoni në http://www.oranews.tv/