Topalli reagon ndaj akuzave të Ramës për zëvendësimin e mandatit të Seserit - (10 Prill 2012) скачать в хорошем качестве

Topalli reagon ndaj akuzave të Ramës për zëvendësimin e mandatit të Seserit - (10 Prill 2012)

Lajme arkiva 2012 Kryetarja e Kuvendit Jozefina Topalli, ka reaguar lidhur me deklaratën e bërë të hënën nga kryetari i Partisë Socialiste Edi Rama, sipas të cilit mazhoranca në Kuvend po bllokon qëllimit zëvendësimin e mandatit të deputetes Rudina Seseri. Në një deklaratë për shtyp kryeparlamentarja Topalli ka sqaruar pozicionin kushtetues të Kuvendit duke thënë se institucioni i drejtuar prej saj dhe Këshilli i Rregullores dhe Imunitetit nuk ka tagër kushtetues për të dhënë apo hequr mandate deputetësh. Jozefina Topalli: “E ndjeva për detyrë të sqaroj opinionin publik në lidhje me deklarimet djeshme e të sotme të kryetarit të Partisë Socialiste, i cili sa herë që ka hall përpiqet të fshihet sipas rastit ose në kuti ose në çadër ose në kafaz ose kudo që mendon se i bën bisht realitetit. Kësaj here paska gjetur sirtarin e Jozefinës. Ky burri që qan se po e rreh Jozefina bën mirë t’u shpjegojë shqiptarëve dhe veçanërisht socialistëve se përse ndodhemi në këtë situatë domethënë nëse këtë zonjën Seseri e solli Jozefina në Parlament apo ai vetë. Më tej do të shpjegoj nëse këtë zonjën që në 3 vite nuk ka ardhur as 3 ditë në Parlament, e pengoi Jozefina? E më tej kur zonja zgjodhi të mos shpenzojë më asnjë moment apo ditë në Parlament dhe të japë dorëheqjen e bëri këtë për shkak të Jozefinës? Në historinë e Kuvendit është unik rasti Seseri në përçmimin që ajo i bën Parlamentit, por dhe ta atyre që e kanë zgjedhur. Ky është rasti i degradimit, fenomeni i pashembullt i Partisë së miliarderëve me kryetar fukara”. Duke hedhur poshtë çdo aludim të Opozitës se mazhoranca po përpiqet t’i marrë asaj një mandat, zonja Topalli sqaroi se ky mandat është i socialistëve siç e përcakton ligji dhe ftoi Ramën të mos dezinformojë opinionin publik. Kryeparlamentarja tha gjithashtu se vetë Rama ka mosmarrëveshje me anëtarët socialistë të Këshillit mbi vendimin e Komisionit Qendror të Zgjedhjeve për zëvendësimin e mandatit të Seserit. Jozefina Topalli: “Problemi është se Seseri apo jo zotëria që ka radhën për të hyrë në Kuvend duhet të hyjë me dinjitetin dhe respektin ndaj Kushtetutës dhe të ligjit mbi të cilin jemi betuar që të gjithë bashkë. Nuk mund të hyjë as nga penxherja as nga dera e pasme e në asnjë mënyrë tjetër që mund të shpikë mosmarrëveshja mes zotit Rama dhe udhëheqësisë socialiste në Kuvendin e Shqipërisë. Në mbledhjen e Këshillit të Rregullores që përbëhet prej 10 anëtarëve nga të cilët 5 janë të Opozitës, përfaqësuesit e Partisë Socialiste kanë ndryshuar mendje disa herë për interpretimin e çështjes në fjalë duke insistuar se vendimi i KQZ-së ishte 1, 2 3 shumëfish i paligjshëm dhe antikushtetues”. Gramoz Ruçi: “Atë vendim që ka nxjerrë KQZ është në kundërshtim të plotë me kodin dhe kushtetutën. Dokumentat thonë: 1. vendimi i KQZ-së, 2. dorëheqja e Seserit, 3. dorëheqja e Gjonit atëherë vendimi i KQZ-së është në kundërshtim me Kushtetutën dhe me ligjin” Po të kishte pasur parasysh zbatimin e atyre neneve nuk do ta kishte bërë këtë veprim, nuk duhet ta kishte marrë këtë vendim”. Jozefina Topalli: “Këtyre iu shtua dje mendja e zotit Rama i cili tha me zë dhe figurë krejt të kundërtën, pra që vendimi i KQZ-së është krejt i ligjshëm, kushtetues dhe i qartë si drita e diellit”. Edi Rama: “KQZ-ja në këtë rast thjesht ka bërë atë që duhej të bënte”. Jozefina Topalli: “Duke qenë se Këshilli i Rregullatores nuk funksionon me shumicë votash por në barazi të plotë përfaqësimi 5 anëtarë nga mazhoranca dhe po 5 nga Opozita, derisa zoti Rama ta ndajë përfundimisht mendjen mbi ligjshmërinë ose jo të akteve ligjore të prodhuara deri më tani për këtë çështje, i mjeri këshill me gjithë socialistët brenda është i bllokuar në dhënien e çdo opinioni dhe arritje në çdo lloj konkluzioni. Ndërkohë, zoti Rama duhet t’i thotë shqiptarëve se në cilin nen të kushtetutës të Kodit Zgjedhor apo të Rregullores autorizohet kryetari i Kuvendit për të dhënë apo për të hequr mandatin e deputetit”. Kryetarja e Kuvendit iu përgjigj dhe akuzave të Ramës për mbajtjen peng të kandidaturave për vendet vakante që i përkasin Opozitës në bordin e TVSH-së dhe Këshillit Kombëtar të Radiotelevizioneve, si dhe të atyre për funksionet kushtetuese. Jozefina Topalli: “Për sa i përket vandakut, mandateve, funksioneve kushtetuese siç thotë zoti Rama, atë zoti Rama duhet ta kërkojë në sirtarë të Presidencës aty ku e ka dërguar me vendim Kuvendi me votën e tij në seancën plenare dhe jo Jozefina. Por aty unë nuk e ndihmoj dot. Nëse kërkoj do të gjejë me siguri një votues të tij të devotshëm që do ta sqarojë.../tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/