Ni byo jyewe nayoboye ishyirahamwe ry'Abajenosideri (RDR). Kubera iki? wungutse iki? скачать в хорошем качестве

Ni byo jyewe nayoboye ishyirahamwe ry'Abajenosideri (RDR). Kubera iki? wungutse iki?

ICYEGERANYO KU ISHYIRAHAMWE RY'ABAJENOSIDERI "RDR" Jenoside yakorewe Abatutsi Imaze guhagarikwa n’Ingabo za RPA Inkotanyi abayiteguye bakanayishyira mu bikorwa bahise batangira Urugendo n’umugambi byo kuyihakana no kuyipfobya mu rwego rwo guhishira uruhare rwabo muri Jenoside ndetse no kurwanya ko bakurikiranwa mu nkiko z’ubutabera mpuzamahanga zari zitangiye kubakurikirana ndetse kandi Guhakana no Gupfobya byari bigamije guhishira ukuri burundu kuburyo bazana Theories nshyashya zitari zizwi kugirango bakomeretse abarokotse bagume mu gahinda iteka ryose noneho ukuri kwibyabaye kuzimire iteka ryose ibi byose ni umugambi wacuzwe n’ishyaka ryashinzwe n’aba bajenosideri bakaryita RDR muri iki kiganiro tugiye kugaruka kuri iri shyaka ndetse n’imigambi yaryo nuburyo ariryo ryabaye isoko y’ipfobya n’ihakana rya Jenoside yakorewe abatutsi mu ishusho turibonamo ubungubu.iki kiganiro mwagiteguriwe na BIZIMANA Christian jye mwumva ugiye kukikugezaho ndi Prudence NSENGUMUKIZA . Mbahaye ikaze Mu kwezi kwa karindwi mu 1994 ubwo Jenoside yakorewe Abatutsi yahagarikwaga n’ingabo zahoze ari iza RPA Inkotanyi.Leta y’abatabazi yayoboye igashyira mu bikorwa Jenoside yakorewe Abatutsi,irikumwe n’ingabo zahoze ari iza leta (EX FAR) ndetse n’interahamwe n’impuzamugambi bahungiye muri Repubulika iharanira Demokarasi ya Congo yari Zaire icyo gihe ,aba bose bari abajenosideri ruharwa bari bafite amaraso y’abatutsi ku biganza byabo gusa ntibajyiye bonyine kuko batwaye abaturage basaga miliyoni eshatu babatwara bugwate bababeshya ko basigaye mu Rwanda ingabo zahoze ari iza RPA Inkotanyi zabagirira nabi ndetse banabizezaga ko kuba muri congo bizaba ari ibyigihe gito kuko nga bari bagiye gutegura kugaruka mu Rwanda bakisubiza ubutegetsi . Muri Zaire perezida wicyo gihugu Marshal Mobutu mu bufatanye n’igihugu cy’ubufaransa bahaye ikaze abajenosideri n’abaturage bari batwawe mu kinyoma gikomeye bajyanwa mu nkambi zari hafi y’umupaka w’u Rwanda guhera I Goma mu ntara ya KIVU yaruguru kugeza I Bukavu muri ntara ya KIVU yepfo. Gusa abajenosideri bose ntiberekeje muri Zaire kuko hari n’abahungiye mu bindi bihugu bitandukanye byo mu ISI nka Tanzania,Togo, Cameroun,Benin,Mali,Ubufaransa,Ububiligi,Leta Zunze Ubumwe na Canada ndetse n’ahandi hatandukanye.