《M1的自我修養》用8個月自修兩年半課程 скачать в хорошем качестве

《M1的自我修養》用8個月自修兩年半課程

《M1的自我修養》- 用8個月追兩年半課程 ：（你自修邊科？） ：M1 ：（你指既自修係指？） ：自修生個自修 ：（...） ：...由零開始自學 ：（點解會揀M1） ：因為感覺M1會易過M2... ：（例如呢？） ：其實我當時都係舉棋不定，先唔好理揀m1定m2，我都唔知揀自修m1/m2哩個決定係好定唔好，同埋當時已經係8月中，距離dse得返7-8個月左右，任何決定都係take risks，所以對當時既我嚟講，覺得揀m1保守啲。 ：（m1難唔難？） 唔易 ：（自修m1有咩條件？使唔使core lv5或以上） ：冇咩條件，有錢報名就得，不過core最好都有穩固既lv4水準 ：（問一問，你m1拎咩grade） ：5* ：（...得5*？） ：係... ：（....） ：Sor.... ：（你係點操m1?） ：其實係咁既，由我選擇自修m1嗰日開始，距離dse就剩返8個月，8個月嘅時間，話長唔長，話短唔短， 長在發奮，短在頹廢，但頹廢比發奮多，哲學問題嚟，簡單啲嚟講，即係浪費嘅時間比較多。 ：（...） ：講笑，入返正題，先唔好理剩返幾多時間，以我個人經驗，你要諗辦法先清晒所有課題嘅concept，最簡單嘅方法，就係做晒成本書嘅每一條題目，一隻字都唔放過，一個抖號都唔好放過，然後loop幾次所有年份嘅dse pastpaper，加06-11年maths&stat嘅pastpaper ：（真係work?） ：Work唔work我就唔知，但講返我本身嘅情況先，就maths core嚟講，我中六嗰陣時考mock卷都係得lv4水準，65%分數左右，我仲記得嗰時考學友社份卷都係lv4，之後study leave自己操卷突然叮咗一吓，發覺考嚟考去都係嗰啲，突然覺得都唔係好難攞分，甚至覺得拎90分以上都唔係遙不可及。 ：（最後拎唔拎到90分？） ：最後拎唔到，除咗一啲緊張嘅因素之後，仲有就係我唔夠基本功。雖然我搵到操maths卷嘅方向，但始終有啲題目都真係難，同需要穩固嘅concept底，所以嗰啲位拎唔到分就難攞星。 ：（咁你第二年考數有冇如願以償？） ：冇，正如我所講，我基本功唔夠，所以我第一年考lv5大概係靠背卷+運氣，第二年retake先用返多啲時間浸番啲基本功，靠補習同瘋狂做返書嘅題目，名副其實既點考都有lv5。咁雖然最後結果冇變，但我會感覺到啲基本功穩扎咗，考試得心應手好多。 ：（咁同m1有咩關係？） ：我覺得我core可以短時間由lv4升到lv5，係因為我摸透咗maths卷出題嘅套路，令到我喺唔應該失分嘅位都攞到分，即係有啲題目不論係mc定lq好明顯年年都出。咁既然咁大隻蛤乸隨街跳，冇理由咁都唔溫熟。亦都係因為咁，我開始發覺高中數每個課題，都係有個無形既規律。學concept，用concept。好直接，同文科好唔同。同埋即使係好複雜好難既題目，出題同解題既方向都離不開基本concept。即係換言之，就算我冇愛因斯坦個腦，都有能力解到。 ：（照你意思，即係靠操卷就得？） ：操卷係非常重要，但當然唔係剩係靠操卷，咁我自己都唔係剩係靠操卷㗎，只係操卷既重要性係不可忽視...我再講多少少，我以前覺得啲高難度既題目與我無緣，即係Section B既最尾兩題。未望就已經知道唔識。都會望下題目既，但望了個寂寞囉。即係，我會覺得咁難既題目應該係啲天生聰明既人先解到，我完全冇諗過要解嗰啲題目，見到都唔想試。真心，我以為自己既智慧得咁多就得咁多。不過原來最難既題目係Section A2既b(ii)，或者係Section B既c(i)/d(i)。個陣時我都係將同一份pastpaper短時間內重覆操三次先明白到。諗下都想微笑，可以喺哩科搵到突破，可以話係我人生既一個轉捩點。 ：（咁講咗咁耐，你講到未，同m1有乜關係？） ... 承住個勢突然覺得自己有能力摸透埋m1份卷。高中數哩家嘢，就算佢出得幾複雜幾難都好，都係離唔開數學書上寫嘅基本定律，就唔同人類基本定律，原來是個謊話。總而言之，我唔理你背卷定好彩，將m1份卷操到滿分，你會發現到真理之門嘅奧秘。 ：（...） ：.... ：（可唔可以講吓你用咗咩資源去學？） ：一本教科書，三本補充練習，06-14年所有maths&stat+dse pastpaper。 ：（咩驅使你自修m1？） ：其實本身剩係想retake全科，之後喺巧緣之下識咗一個讀過maths&stat同pure maths既大哥哥（當年我覺得佢好老，而家我已經老過當年嘅佢。）佢建議我自修m1/m2，最好係m2，話可以幫我補，一開始我都覺得有啲異想天開，但之後我畀佢說服咗，就試吓簡單啲嘅m1。 ：（幾時開始先有信心去考？） ：起碼4月份先真係有信心。我8月開始學，雖然1月份已經做晒成本書13課既所有題目，但係冇幾耐報咗個遵理m1模擬試，結果得17分...o咗。 ：（你考前一刻係咩感受？） ：好緊張，花咗咁多心機同努力，就係為咗哩一刻，成與敗在與嗰兩個鐘既發揮。不過都講唔定，得就得，唔得都冇辦法。當係人生歷練。 ：（咁你考完之後係咩感受？） ：考完其實冇咩特別既感受，反而係準備咗咁耐，進入最佳狀態、開卷嗰吓望到啲題目9成都係操過嘅題目嗰吓個興奮狀態先係畢生最難忘嘅瞬間，未落筆我已經知道今次入硬u，本身緊張既心情即刻冇晒，一路做一路笑，笑住做。 ：（如果畀你揀多次，你會揀m1定m2?） ：m2 ：（如果有學生都想攻m1/m2，甚至自修，你覺得值唔值得？） ：其實哩個係一個迷思，m1/m2係咪「我」可以應付到既科目，因為一般學校都只會畀中三個時數學高分既學生揀讀m1/m2，甚至有啲學校要學生攻入英文班先有得讀，導致大家覺得m1/m2係勁既學生先讀得。嗱，我講個簡單既例子，當一個學生小五升小六既時候學習負數，佢會理解唔到，但當佢小六升中一，一講就明，兩秒都唔使。當然可能係佢經歷咗一年既呈分試操練令到佢聰明咗，但仲有個原因都係不可忽視，就係學校老師會烙印咗「負數」只會喺中學先會接觸既概念，導致學生潛意識認為仲係小學既生佢係唔應該理解到負數既概念。所以套用返喺m1/m2，大家都會覺得微積分係超難既概念，但其實我上到去大學，個個都微積分，好似變到好廉價，一開始話好難啊好難啊，最後咪又係考到個唔錯既成績。所以要讀m1/m2，考先要承認自己既實力，改變自卑既心態，即係要覺得自己做得到，之後你就去馬啦。最後講多句：學海無涯，但成功感得來不易，我會覺得哩份感覺同經歷係值得既。係囉...就係咁... ：（多謝你今日參與訪問，下次再見，拜拜） ：吓？咁快？我未講完啊喂，收尾呢？ （多謝觀看 希望你都有一個既愉快又有挑戰性既人生）