戒煙啦｜何柱國｜香港煙草｜萬寶路｜星島日報 ｜ скачать в хорошем качестве

戒煙啦｜何柱國｜香港煙草｜萬寶路｜星島日報 ｜

我係宗旨仁，宗旨仁就係我！歡迎嚟到我嘅頻道！ 🔔 訂閱同開定鐘仔收通知，唔好錯過我嘅影片，鍾意就讚好，同留言話我知啦！ 大家好。又係我宗旨仁。今年三月，四叔李兆基仙遊，三個月後另一位超級富豪人稱煙仔何嘅何柱國亦都因肺癌逝世。在世時擁有想像唔到天文數字嘅財富，到兩腳一申，又真係帶唔到入棺材。 人好公平嘅，你有無限金錢，但係冇得買無限嘅時間，咦？ 不過，有啲瞓緊醫院又唔俾佢走，一直吊住條命仔嘅算唔算買到時間？ 點都要簡單介紹吓煙仔何生平，何柱國係拔萃男書院畢業後，之後去咗阿米利堅留學。 佢阿爺係人稱何伯嘅何英𠎀，最出名嘅慈善家，以前我仲有睇歡樂滿東華嘅最後善款時候，有個神秘人士總會捐多一倍善款。年少嘅我就覺得捐幾千萬，嘩好勁喎，但係依家嘅我會諗呢啲錢係贖罪吖定扣稅用途呢？ 九零年代，何英傑開始將業務交棒俾長孫何柱國，何伯退休後一直隱居香港煙草總部頂樓。深居簡出，得閑就喺天台𣺉吓花。 何伯喺二千年病逝，何伯喺二千年病逝，而何柱國就繼承咗當時估計超過二百億港元遺產。 同年何柱國收購咗柏寶集團，嗱，我都話個個有錢都要做大亨啦，有錢幾任性？ 柏寶前身係星島新聞集團有限公司，之後改名叫泛華科技集團有限公司，零二年，泛華展開系內重組，獲得星島集團有限公司控股權，05年泛華科技集團正式改名為星島新聞集團。何柱國一向聲大夾惡係人都知，唔知係咪噉嘅關係，星島內嘅人事都各有山頭，一樣好Q惡㗎。而佢同情人羅麗莎嘅緋聞 ，以前有其他傳媒報導吓都會俾何柱國告到甩褲。 話佢惡真係冇人會反對，03年開始做全國政協常委，加埋傳媒利劍在手，言論好惹火㗎，2011年星島多篇報導梁振英嘅戴德梁行面臨清盤，煙仔何質疑佢嘅管治能力言論，當然梁振英唔係省油的燈，批評《星島》記者針對佢本人，同埋有動機抹黑佢喎，兩位之後高調召開記者會高調反駁。 唔知係咪噉，往後冇得做特首嘅阿梁生仿效煙仔何，利用傳媒不停同唔妥佢嘅人駁火呢？ 哈哈～ 仲有，21年大家仲係水深火熱動態清零嘅時候，煙仔何發表提到，如果林鄭競逐連任，佢會參選行政長官，幾堅呀。 強調自己目的唔係為咗做特首， 而係唔同意林鄭話自己建設多過破壞 ，嘩，林鄭呢句難聽過粗口喎， 而煙仔何話要搵個機會同佢辯論。當時喺自己旗下頭條日報同星島用全版刊篇幅發公開信，要求林鄭代全港僱主比僱員兩個月人工。又出公開信話，香港經歷社會運動，又遇上天災疫情，形容為「黑到冇得再黑」。仲暗串香港不幸， 因為有「人禍」、香港「廢曬武功」、「民不聊生、百業蕭條，市民心情壞透」噉話喎。 其他唔講嘞。自己上維基睇喇，我照稿讀咋。 香煙呢個行業喺香港真係幾低調，何家嘅香港煙草有限公司，係一家製造及銷售香煙嘅公司。50年代由何英傑創辦，之後代理多隻外國製造香煙品牌，包括甚受歡迎嘅萬寶路等，以前星島員工係可以Book何柱國隻遊艇當員工福利㗎，隻遊艇仲叫萬寶路㖭。；而何家就製造良友香煙，正所謂食良友，結交新朋友。 1996年，香港煙草將萬寶路多隻香煙的代理權，及良友香港產銷權，賣晒比美國最大嘅烟草公司Philip Morris International. 噉大家知唔知道香港仲有邊幾間煙草公司？ 1989年，中國煙草國際有限公司，主要經營從事煙草製品進出口業務，中煙香港在2004年成立，2019年6月港交所主板上市，港交所編號6055， 上市時4.88 。宜家股價足足升左六倍有多。 另一間，1905年，南洋兄弟煙草股份有限公司，一家總部位於香港嘅煙草商，係上海實業控股有限公司旗下嘅公司，最初生產「白鶴」牌香煙，之後被英美煙草公司打擊下曾經執笠。佢係1909年復業，改名為「廣東南洋兄弟煙草公司」，主要生產「紅雙喜」，1916年喺上海仲設埋煙廠。 1995年1月1日，南洋兄弟煙草重新喺香港成立，98年，用8.8億港元將廠房由馬頭角搬到屯門，擴建新廠房，升級生產設備同管理系統。 香港煙草何家一向神神祕祕，何柱國仲有個喺加拿大勁多負面新聞嘅細佬何定國。而何柱國老豆叫何關根，曾經係上市公司開達實業董事，據悉佢好早已過身，過身時低調到連訃聞都冇。係咪好神秘呢。唯一證明佢已過身係，港大何金梅英獎學金嘅網頁以「已故」對何關根嚟形容，同埋2007年6月巴哈馬最高法院，對何關根遺產管理作出申請嘅公告， 佢寫嘅住處係1955年嘅香港渣甸山高士美道4號。 何柱國嘅太太黃敏珊就更低調，多年罕有見報是自己1974年結婚，傳言昇過羅麗莎一巴，同埋2014年出席咗佢嘅仔何正德同林恬兒嘅婚禮上。何柱國好𡃶呢個身抱㗎，送咗七十萬嘅hermès Mini Kelly 限量版俾佢㗎。 而煙仔可唯一妹妹叫何佩琳（Anna Ho) 細佢兩年，Anna係杜克大學攞咗得MBA後 ，婚後做左美國人，曾經做過一家電腦圖像公司嘅副總裁，宜家定居係美國北卡羅萊納州過住低調平淡的生活。 何柱國今年二月喺光門頂透露自己患肺癌，同埋表明化療好辛苦，勸大家戒煙，仲同佢個死敵盧寵茂聯手勸人戒煙。點知唔夠三個月就去咗，據講今次死因同流感有關。「煙仔何」生前頗為高調成日發表「偉論」，但他仲有幾個謎團，例如佢有否讀過大學，身家有幾多。 不過大家都未必會有答案嘞。 我呢啲70後，細細個食飯，一定加埋二手煙送飯。我老豆喺資深又高級嘅煙民，一日一包嗰隻，經常要幫老豆買煙。 我係出於煙霧而不染嘅非煙民，返學時啲同學對住我食煙，出嚟做嘢，公司上上下下左左右右，又圍住我食煙，開會係噉，見客係噉，正所謂要喺煙霧找尋人生，返到屋企都會周身煙味。自從控煙條例嘅法定禁止吸煙區，喺2007年擴大至所有食肆、 辦公室工作間。 連電影志明與春嬌都用禁煙做咗個愛情故事。 終於，成個世界清爽晒。 但其實我又唔抗拒身邊人食煙，仲有時跟啲同事去呼吸，蛇埋一份去圍埋打邊爐。 我識得食煙最多嘅人一定係黃霑，佢話自己一日食四包。同埋我以前有一位老細，一日三包，煙駁煙噉食，痾屎會痾煙屎嗰隻。有次我問吓啲朋友點解就嚟冇錢食飯，都要成舊水都買煙仔食？ 多數答都係心癮呀，要提神呀噉。有次問位好有科學理論嘅醫生同學解釋，話我知人腦運作，要靠腦神經末梢傳遞血清素，噉先會產生資訊傳遞。 而煙草內嘅化學物尼古丁，會干擾同破壞多巴胺嘅釋放同接收，刺激神經元釋出多種神經傳導物質，包括大量多巴胺刺激而產生嘅獎賞感。 [break:1]吸煙者會暫時感覺愉悅、放鬆，造成吸煙諗嘢都爽快啲，同舒緩壓力嘅錯覺。就係噉，吸煙者會對尼古丁依賴跟住就上癮。 [break:1]不過點都好，食煙嘅人唔戒煙就一定有萬七種理由。 同埋，香港政府對香煙又愛又恨，要煙稅，不停加價，又捉人禁區食煙，其實啲煙噉貴，咪又產生私煙問題？係夠薑嘅，一刀切吖笨，實行全港禁煙。睇吓到時會有點？ 你哋有冇食煙嘅，或者戒煙嘅故仔分享？ 留言講吓。 #戒煙 #何柱國 #香港煙草 #萬寶路 #星島日報 #梁振英 #marlboro