Aksyon Laban sa Kahirapan - Season 2 – Episode 71 скачать в хорошем качестве

Aksyon Laban sa Kahirapan - Season 2 – Episode 71

Tampok sa ika-71 na episode ang panayam ni Overseas Workers' Welfare Administration (OWWA) Deputy Administrator Atty. Jasmine Gapatan sa programang Rise and Shine Pilipinas ng PTV-4, Disyembre 4. Tinalakay ni Deputy Administrator Atty. Gapatan ang mandato ng OWWA na unahin at tiyakin ang kapakanan, mga karapatan, at kagalingan ng mga Overseas Filipino Worker (OFW) at kanilang mga pamilya. Sentro ng mandatong ito ang proteksyon ng mga OFW saan mang panig ng mundo. Ibinahagi rin niya ang mga programang kanilang iniaalok, kabilang na ang reintegration at livelihood programs. May mga inisyatiba rin ang OWWA gaya ng Tulong Puso at Balik Pinas Balik Hanapbuhay para sa mga OFW na nagnanais magsimula ng panibagong buhay dito sa Pilipinas. Ginagamit din ang OWWA Fund para sa social protection, mga scholarship para sa mga dependent at maging sa mga OFW mismo, at mga programang pang-pinansyal mula sa kanilang pag-alis hanggang sa kanilang pagbabalik upang masiguro na magagamit ng tama ang kanilang mga ipon. Regular na nagsasagawa ang Department of Migrant Workers at OWWA ng mga Servicio Caravan upang direktang ihatid ang mga serbisyo sa mga OFW, hindi lamang upang tulungan sila, kundi upang ipaalam din ang mga programang handog para sa kanila. Aniya direktiba ni Pangulo Ferdinand Marcos Jr. ang tiyakin na ang mga OFW, saan man sila naroroon, na maramdaman nila ang presensya at malasakit ng pamahalaan nang hindi na kailangang bumiyahe ng malayo. Umunlad ang sistemang ito patungo sa whole-of-government at whole-of-society approach. Ipinagmalaki rin niya ang OWWA e-card, isang inisyatibang pinangungunahan ni OWWA Administrator Patricia Yvonne Caunan. Tatlong tungkulin ang ginagampanan ng card: patunay bilang isang OFW, patunay ng aktibong pagiging miyembro ng OWWA, at isang national government ID. Bukod dito, nagsisilbi na rin itong discount card. Nakipag-ugnayan ang OWWA sa mahigit 150 merchants sa Pilipinas at abroad para rito, saklaw ang mga diskuwento sa mga ospital, klinika, optical services, freight movers, at Balikbayan box services. Depende sa merchant, maaaring makatanggap ang mga miyembro ng 20 porsyento o higit pa. Hinggil naman sa mga isyu ng OFW na kasalukuyang tinutugunan ng OWWA, inamin ni Atty. Gapatan na palaging may mga welfare cases na lilitaw anuman ang pagsisikap ng pamahalaan. Gayunpaman, nananatiling bukas 24/7 ang OWWA sa hotline 1348 na maaaring tawagan ng mga OFW para sa tulong sa repatriation, rescue, emergency, o anumang uri ng tulong na kanilang kakailanganin. #NAPC26 #AksyonLabanSaKahirapan #BagongPilipinas