សង្រ្គាមលោកលើកទី២ | អាឡឺម៉ង់ និង សូវៀត រួមគំនិតគ្នា លេបយកប៉ូឡូញ скачать в хорошем качестве

សង្រ្គាមលោកលើកទី២ | អាឡឺម៉ង់ និង សូវៀត រួមគំនិតគ្នា លេបយកប៉ូឡូញ

-ត្បិតថាសង្រ្គាមលោកលើកទីពីរ បានកន្លងផុតទៅជាយូរឆ្នាំហើយក្ដី ក៏ប៉ុន្ដែវាជាស្រមោលអតីតកាលមួយ ដែលធ្វើអោយមនុស្សនៅលើពិភពលោកនាពេលបច្ចុប្បន្នមានការខ្លាចរអារ។ សង្រ្គាមលោកលើកទី២ ត្រូវបានគេចាត់ទុកថាជាសង្រ្គាមមួយដ៏ធ៏ជាងគេបង្អស់ នៅក្នុងចំណោមសង្រ្គាមនានា ដែលបានកើតឡើងនាសម័យទំនើប។ មានប្រទេសធំៗជាច្រើនបានចូលរួមនៅក្នុងសង្រ្គាមនោះ ដូចជាអាល្លឺម៉ង់ សហភាពសូវៀត បារាំង អង់គ្លេស អ៊ីតាលី ចិន ជប៉ុន និងសហរដ្ឋអាមេរិចជាដើម។ សង្រ្គាមនោះបានសម្លាប់មនុស្សចន្លោះពី ៤០លាន ទៅ ៦០លាននាក់ ដោយនៅក្នុងចំណោមនោះ មានជាងពាក់កណ្តាល គឺជាជនស៊ីវិល។ គ្រាប់បែកនុយក្លេអ៊ែរ ត្រូវបានគេប្រើប្រាស់នៅក្នុងសង្រ្គាមលោកលើកទី២ ហើយជប៉ុនគឺជាប្រទេសដែលរងគ្រោះដោយសារតែគ្រាប់បែកនេះ។ នៅថ្ងៃទី២ ខែកញ្ញា ឆ្នាំ១៩៤៥ កិច្ចព្រមព្រៀងចុះចាញ់សង្រ្គាមដោយឥតលក្ខខណ្ឌត្រូវបានជប៉ុន តំណាងដោយរដ្ឋមន្រ្តីការបរទេស ចុះហត្ថលេខា នៅលើនាវាចម្បាំងអាមេរិក និងនៅចំពោះមុខមេទ័ពអាមេរិកប្រចាំតំបន់អាស៊ីប៉ាស៊ីហ្វិក។ សង្រ្គាមលោកលើកទីពីរ ចាប់ផ្ដើមផ្ទុះឡើងនៅថ្ងៃទី១ ខែកញ្ញា ឆ្នាំ១៩៣៩។ ការពិតទៅសង្រ្គាមនេះ ផ្ដើមចេញពីមហិច្ឆិតាលោភលន់ និងជាតិនិយមជ្រុលរបស់ណាស៊ីហ៊ីត្លែរអាល្លឺម៉ង់។ ដោយចង់លេបយកប្រទេសប៉ូឡូញ អាឡឺម៉ង់ ក៏បង្កើតលេសមិនសមហេតុផលមួយដើម្បីវាយប្រហារប៉ូឡូញ។ នៅដើមឆ្នាំ១៩៣៩ ក្រោយពីអាល្លឺម៉ង់បានចូលឈ្លានពានកាន់កាប់ប្រទេសអូទ្រីស និងឆេកូស្លូវ៉ាគី មហាអំណាចអឺរ៉ុប ដែលឈ្នះសង្រ្គាមលោកលើកទី១ គឺបារាំង និងអង់គ្លេស ក៏ចាប់ផ្តើមភ្ញាក់ដឹងខ្លួន ពីមហិច្ឆតាវាតទីនិយមរបស់ហ៊ីត្លែរ។ -ការចូលទស្សនារបស់បងប្អូន គឺជាកិត្តិយសរបស់ខ្ញុំបាទ ដែលជាអ្នកផលិត! ការពិតទៅ ខ្ញុំបាទមិនមែនជាអ្នកពូកែខាងប្រវត្តិសាស្រ្ដនោះទេ​ តែដោយចូលចិត្តប្រវត្តិសាស្រ្ដ ក៏ច្នៃអត្ថបទផ្សេងៗ ដែលខ្ញុំរកបានតាមរយៈ សៀវភៅ ឬក៏ពី Internet របស់អ្នកនិពន្ធជាន់ដើម ឬជាន់នេះ មកផលិតជាវីដេអូនេះឡើង។ ដូច្នេះខ្ញុំសូមគោរពរាល់ស្នាដៃរបស់អ្នកនិពន្ធទាំងអស់ដែលបានចែករំលែក ដែលធ្វើឲ្យខ្ញុំមានលទ្ធភាព អាចផលិតវីដេអូនេះបាន។ -ខ្ញុំបាទជឿជាក់ថា មិត្តអ្នកស្ដាប់គ្រប់ស្រទាប់វណ្ណៈ ដែលជារៀមច្បង ឬជាសិស្សប្អូន... នឹងមិនបណ្ដោយឱ្យចំណុចខ្វះខាតដែលកើតមាននៅក្នុងវីដេអូនេះ ត្រូវបន្ដរអត្ថិភាព ដោយគ្មានការកែលម្អរនោះឡើយ! -ខ្ញុំបាទសូមគោរពជូនពរបងប្អូនជនរួមជាតិ សូម សមប្រកប ជួបប្រទះ តែសេចក្ដីសុខ សុភមង្គលពេញមួយជីវិត។ សូមអរព្រះគុណនិងអរគុណ! -ឯកសារគោល៖ សេង ឌីណា (RFI) #សង្រ្គាមលោកលើកទី២ #worldwar2 #worldwar2history