GƏNCLƏRLƏ BAĞLI QANUN DƏYİŞDİRİLİR скачать в хорошем качестве

GƏNCLƏRLƏ BAĞLI QANUN DƏYİŞDİRİLİR

Azərbaycanda gənclərlə bağlı iki qanuna dəyişiklik ediləcək. Milli Məclisin Gənclər və İdman Komitəsinin sədri Fuad Muradov CBC-yə müsahibəsində bildirib ki, ilk növbədə “Gənclər siyasəti haqqında” qanun zamanın tələblərinə uyğunlaşdırılacaq. Millət vəkilinin sözlərinə görə, dəyişiklik əsasən gənclərin işlə təmin olunması və onların bir neçə istiqamətdə fəaliyyətinin genişləndirilməsi ilə əlaqədardır. Yeni layihə üzərində işlərin artıq tamamlandığını deyən millət vəkili bildirib ki, komitədə müzakirə olunduqdan sonra sənədin plenar iclasda təqdimatı keçiriləcək. “Mənim fikrimcə, çox vacib dəyişikliklər var. Bu, gənclərimizin işlə təmin olunması, vətənpərvərliklə bağlı həyata keçirilən işlər, əsgərlikdən qayıdan və yaxud hərbi xidmətdən qayıdan, və ya digər sahədə olan insanların işlə təmin olunmasıdır. Eyni zamanda bir neçə istiqamət var. Gənc sahibkarlarla bağlı orda maddə var ki, biz onları daha da stimullaşdırmalıyıq”. Qeyd edək ki, “Gənclər siyasəti haqqında” qanun 2002-ci ildə qəbul edilib. Ötən il qəbul olunan “İdmanda dopinq vasitələrindən və üsullarından istifadəyə qarşı mübarizə” qanununa da dəyişiklik ediləcək. Bəzi istiqamətlər üzrə dəyişikliyi zəruri sayan Fuad Muradov yeni qanun layihəsinin artıq hazırlandığını və təkliflərin nəzərdən keçirildiyini bildirib. “Orda həm cərimələrin arıtılması ilə bağlıdır, həm gənclərimizin dopinqdən istifadəsinin qadağan olunması ilə bağlıdır. Eyni zamanda, dopinqdən istifadəyə görə məsuliyyət məsələləri var. Qanuna çox geniş şəkildə əlavə və dəyişikliklər nəzərdə tutulur”. Komitə sədri Prezident yanında Gənclər Fondunun fəaliyyət istiqamətlərinin genişləndirilməsi və beynəlxalq təcrübəyə əsaslanaraq fəaliyyəti ilə bağlı qanuna bəzi dəyişikliyin ediləcəyini də bildirib Onun sözlərinə görə, artıq bunun üzərində iş gedir.