Femrat Official Trailer скачать в хорошем качестве

Femrat Official Trailer

"Femrat" është film artistik me metrazh të gjatë, një komedi romantike, e para e këtij lloji në Shqipëri që pas viteve '90. I prodhuar nga Rucksack Productions, një kompani me qendër në New York, "Femrat" kombinon talentet më të mira shqiptare me eksperencën më të mirë të huaj për të sjellë për herë të parë para publikut shqiptar një komedi romantike në qendër të së cilës është marrëdhënia e shumë diskutuar mes meshkujve dhe femrave. Ngjarja Filmi "Femrat" është një komedi romantike, e para e këtij lloji pas viteve '90. "Femrat" është historia e një avokati 30 vjeçar divorcesh, Riku -- Ermal Mamaqi - i cili u shmanget lidhjeve serioze nga frika se janë shumë të komplikuara. Për të jeta është më e bukur kur je single, kuptohet, kur ke një mama që t'i bën gati të giitha. Çdo gje duket se shkon për mrekulli deri ditën kur mamaja vendos t'i gjejë një nuse! Gjithë njerëzit rrotull Rikut duket se i kanë vënë vetes një qëllim: ta martojnë! Filmi tregon përpjekjet e Rikut që t'u "shpëtojë" një morie femrash, nga ato më seksit e inteligjentet, deri tek ato më të zakonshmet që po vdesin për t'u martuar me një burrë si ai. Por, në fund, edhe Riku, si shumë të tjerë, nuk i shpëton dot dashurisë... dhe e gjen atje ku e gjen shumica jonë: në jetën e përditshme, tek personi që ka më pak "frikë". Në film takojmë shumë njerëz që në jetën e përditëshme nuk u vëmë shumë rëndësi, por që në fakt, na kanë bërë ne të jemi këta që jemi, si: taksixhinjë nevrikë, gazetashitës cinikë, komshije të ngjitura, gra të mërzitura me burrat, gra që i duan aq shumë burrat e tyre sa ua nxijnë jetën, vajza që nuk pyesin për meshkuj, vajza që do bënin gjithcka për t'i pëlqyer një mashkulli, burra e gra që divorcohen për arsye nga më të çuditshmet.